សហរដ្ឋអាមេរិក៖ សហរដ្ឋអាមេរិកបានព្រមានក្រុមហ៊ុនចិនកាលពីថ្ងៃព្រហស្បតិ៍ ថ្ងៃទី៣ ខែកុម្ភៈថា ក្រុមហ៊ុនទាំងនោះនឹងប្រឈមនឹងផលវិបាក ប្រសិនបើពួកគេព្យាយាមគេចចេញពីការគ្រប់គ្រងការនាំចេញណាមួយ ដែលបានដាក់លើទីក្រុងមូស្គូក្នុងសកម្មភាពដែលរុស្ស៊ីឈ្លានពានអ៊ុយក្រែន។
អ្នកនាំពាក្យក្រសួងការបរទេសអាមេរិកលោក Ned Price បានអត្ថាធិប្បាយបែបនេះបន្ទាប់ពីក្រសួងការបរទេសចិនបាននិយាយថា ចិន និងរុស្ស៊ីបានសម្របសម្រួលគោលជំហររបស់ពួកគេលើអ៊ុយក្រែន ក្នុងអំឡុងពេលកិច្ចប្រជុំរវាងរដ្ឋមន្ត្រីការបរទេសរបស់ពួកគេនៅទីក្រុងប៉េកាំងកាលពីថ្ងៃព្រហស្បតិ៍។ លោក Ned Price បានប្រាប់សន្និសីទសារព័ត៌មានប្រចាំថ្ងៃថា "យើងមានឧបករណ៍ជាច្រើនដែលយើងអាចដាក់ពង្រាយបាន ប្រសិនបើយើងមើលឃើញក្រុមហ៊ុនបរទេស រួមទាំងក្រុមហ៊ុននៅក្នុងប្រទេសចិនកំពុងប្រឹងប្រែងអស់ពីសមត្ថភាព ដើម្បីបំពេញនូវសកម្មភាពត្រួតពិនិត្យការនាំចេញរបស់សហរដ្ឋអាមេរិក ដើម្បីគេចចេញពីពួកគេ។
បណ្តាប្រទេសលោកខាងលិចនិយាយថា ការឈ្លានពានណាមួយរបស់អ៊ុយក្រែនពីរុស្ស៊ី នឹងនាំមកនូវការដាក់ទណ្ឌកម្មលើទីក្រុងមូស្គូ ហើយទីក្រុងវ៉ាស៊ីនតោនបាននិយាយថា ខ្លួនបានត្រៀមខ្លួនដើម្បីដាក់ទណ្ឌកម្មខាងហិរញ្ញវត្ថុ ក៏ដូចជាវិធានការត្រួតពិនិត្យការនាំចេញផងដែរ។ មន្ត្រីសន្តិសុខជាតិសេតវិមានលោក Peter Harrell បាននិយាយកាលពីថ្ងៃពុធថា ទីក្រុងវ៉ាស៊ីនតោនកំពុងធ្វើការលើវិធានការត្រួតពិនិត្យការនាំចេញជាមួយសម្ព័ន្ធមិត្តនៅអាស៊ី រួមទាំងប្រទេសជប៉ុន និងកូរ៉េខាងត្បូងផងដែរ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
