អំឡុងពេលថ្លែងទៅកាន់សភា Knesset របស់អ៊ីស្រាអែល ប្រធានាធិបតីអាមេរិក លោក Donald Trump បានប្រាប់ថា ថ្ងៃចន្ទនេះ គឺជា «ថ្ងៃនៃសេចក្តីរីករាយដ៏មានត្ថន័យយ៉ាងជ្រាលជ្រៅ» និងជាថ្ងៃថ្លែងអំណរគុណដល់ «ព្រះអម្ចាស់ Abraham, Isaac និង Jacob»។

លោក Trump បាននិយាយថា៖ «ចំណាប់ថ្នូរបានវិលត្រលប់មកវិញហើយ ហេតុដូច្នេះ វាពិតជាមានអារម្មណ៍ល្អណាស់ ក្នុងការឡើងមកនិយាយនេះ»។ លោក Trump បានបន្តទៀតថា៖ «នេះគឺជាចុងបញ្ចប់នៃយុគសម័យនៃអំពើភេរវកម្ម និងការបាត់បង់ជីវិត ហើយជាពេលវេលានៃការចាប់ផ្តើមប្រែក្លាយតំបន់មជ្ឈិមបូព៌ាឲ្យទៅជាតំបន់ដ៏អស្ចារ្យយ៉ាងពិតប្រាកដ»។ លោកបានសង្កត់ធ្ងន់ថា នេះគឺជា «ថ្ងៃរះជាប្រវត្តិសាស្ត្រនៃតំបន់មជ្ឈិមបូព៌ាថ្មី»។

ជាមួយគ្នានេះលោកក៏បានពោលសរសើរនាយករដ្ឋមន្ត្រីអ៊ីស្រាអែល លោក Benjamin Netanyahu ដោយនិយាយថា លោកមិនមែនជាមនុស្សងាយស្រួលដោះស្រាយជាមួយនោះទេ ប៉ុន្តែនោះហើយជាអ្វីដែលធ្វើលោកលោកទទួលបាននូវភាពអស្ចារ្យ។

ហើយមេដឹកនាំអាមេរិកក៏បានអរគុណបណ្ដាប្រទេសនៃពិភពអារ៉ាប់ ដែលបានក្លាយជា «ដៃគូក្នុងដំណើរការសន្តិភាព» ដែលបានដាក់សម្ពាធលើក្រុមហាម៉ាស។ លោកបានសង្កត់ធ្ងន់ថា៖ «វានឹងកា្លយជាយុគមាសរបស់អ៊ីស្រាអែល និងយុគមាសនៃតំបន់មជ្ឈិមបូព៌ា» ដូចគ្នានឹងយុគមាសនៅសហរដ្ឋអាមេរិកដែរ។

គួរបញ្ជាក់ថា នៅមុនសុន្ទរកថារបស់លោក លោក Trump បានទទួលនូវការស្វាគមន៍ដោយការក្រោកឈរផ្ដល់សំឡេងទះដៃកិត្តិយសល នៅក្នុងសភា៕