ប្រធានាធិបតីអាមេរិក លោក Donald Trump បានសង្កត់ធ្ងន់ថា ប្រធានាធិបតីទួរគីលោក Tayyip Erdogan អាចជាតួអង្គសំខាន់ក្នុងការដោះស្រាយជម្លោះរវាងរុស្ស៊ី និងអ៊ុយក្រែន។

ថ្លែងទៅកាន់ក្រុមអ្នកសារព័ត៌មាននៅលើយន្តហោះ Air Force One នៅពេលសួរថាតើលោក Erdogan អាចជួយក្នុងសង្គ្រាមបានដែរឬទេ លោក Trump បានសរសើរឥទ្ធិពលរបស់លោក Erdogan និងទំនាក់ទំនងផ្ទាល់ខ្លួនរបស់លោកជាមួយមេដឹកនាំពិភពលោក ហើយ ថាលោក Erdogan អាចជួយបញ្ចប់ជម្លោះរុស្ស៊ី និងអ៊ុយក្រែនបាន។

លោកថា លោក Erdogan អាចធ្វើបាន លោកត្រូវបានគោរពដោយរុស្ស៊ី និងអ៊ុយក្រែន ។ ខ្ញុំមិនអាចប្រាប់អ្នកបានទេ ប៉ុន្តែលោក Putinមានគោរពចំពោះលោក Erdogan ហើយលោកជាមិត្តរបស់ខ្ញុំ ។ ដូចអ្នកដឹងហើយ អ្នកអាចមើលឃើញថាហេតុអ្វីបានជាខ្ញុំមិនចុះសម្រុងជាមួយអ្នកទន់ខ្សោយ តែចុះសម្រុងល្អជាមួយមនុស្សម៉ឺងម៉ាត់។លោកErdogan មានទំនាក់ទំនងល្អជាមួយខ្ញុំ។ ពួកគេតែងតែហៅខ្ញុំទៅនិយាយជាមួយលោក Erdogan ហើយខ្ញុំមិនដែលបរាជ័យក្នុងដោះស្រាយបញ្ហាបានភ្លាមៗទេ។ 

ការអត្ថាធិប្បាយនេះ ធ្វើឡើងបន្ទាប់ពីលោក Erdogan បាននិយាយជាមួយប្រធានាធិបតីរុស្ស៊ី លោក Vladimir Putin កាលពីសប្តាហ៍មុន ដោយសង្កត់ធ្ងន់លើតម្រូវការសម្រាប់សន្ទុះការទូតជាថ្មី ដើម្បីទទួលបានសន្តិភាពដ៏ត្រឹមត្រូវ និងយូរអង្វែង នៅក្នុងសង្រ្គាមអ៊ុយក្រែន និងរុស្ស៊ី នេះបើយោងតាមការិយាល័យប្រធានាធិបតីទួរគី៕