ក្នុងអំឡុងដំណើរទស្សនកិច្ចទៅកាន់តំបន់មជ្ឈិមបូព៌ាដែលបង្ហាញពីការបញ្ចប់សង្រ្គាមរបស់អ៊ីស្រាអែលនៅតំបន់ហ្កាហ្សា ប្រធានាធិបតីសហរដ្ឋអាមេរិក លោក Donald Trump បានងាកទៅរកប្រភពនៃជម្លោះក្នុងតំបន់មួយផ្សេងទៀតគឺភាពតានតឹងរវាងទីក្រុងតេអេរ៉ង់ និងទីក្រុងវ៉ាស៊ីនតោន។

នៅក្នុងសុន្ទរកថាទៅកាន់សភាអ៊ីស្រាអែលកាលពីថ្ងៃចន្ទ លោក Trump ដែលបានបោះជំហានមិនធ្លាប់មានពីមុនមកក្នុងការទម្លាក់គ្រាប់បែកលើរោងចក្រនុយក្លេអ៊ែរអ៊ីរ៉ង់កាលពីដើមឆ្នាំនេះក្នុងពេលមានសង្រ្គាមរយៈពេល១២ថ្ងៃរវាងអ៊ីស្រាអែល និងអ៊ីរ៉ង់ បានផ្តល់នូវ «កាយវិការមិត្តភាព»។

លោក Trump បាននិយាយអំពីកិច្ចព្រមព្រៀងដែលអាចធ្វើទៅបានជាមួយក្រុងតេអេរ៉ង់ថា «យើងបានត្រៀមខ្លួនរួចរាល់ហើយ វានឹងជាការសម្រេចចិត្តដ៏ល្អបំផុតដែលអ៊ីរ៉ង់មិនធ្លាប់បានធ្វើ ហើយវានឹងកើតឡើង»។ «កាយវិការមិត្តភាពនិងកិច្ចសហប្រតិបត្តិការ គឺបើកចំហ។ ខ្ញុំនិយាយបានថា អ៊ីរ៉ង់ មានបំណងបង្កើតកិច្ចព្រមព្រៀងមួយ។ វានឹងប្រសើរណាស់ប្រសិនបើយើងអាចបង្កើតបានកិច្ចព្រមព្រៀង»។

ប៉ុន្តែទោះបីជាមានវោហាសាស្ត្រមិនគាប់ប្រសើរក៏ដោយ ក៏រដ្ឋបាល លោកTrump បានបន្តប្រកាន់ជំហរតឹងប្រឆាំងនឹងអ៊ីរ៉ង់ ហើយអ្នកវិភាគនិយាយថា ផ្លូវឆ្ពោះទៅរកទំនាក់ទំនងកាន់តែប្រសើរ រវាងប្រទេសទាំងពីរនៅតែពេញទៅដោយឧបសគ្គ។

លោក Trita Parsi អនុប្រធានប្រតិបត្តិនៃវិទ្យាស្ថាន Quincy សម្រាប់ការគ្រប់គ្រងកិច្ចរដ្ឋ ជាជាវិទ្យាស្ថានមានមូលដ្ឋាននៅសហរដ្ឋអាមេរិក បាននិយាយថា ការវាយប្រហាររបស់អ៊ីស្រាអែលនិងសហរដ្ឋអាមេរិកកាលពីខែមិថុនា បានធ្វើឡើងនៅពេលដែលការចរចានុយក្លេអ៊ែររវាងទីក្រុងវ៉ាស៊ីនតោន និងទីក្រុងតេអេរ៉ង់កំពុងបន្ត ដែលធ្វើឱ្យអន្តរាយដល់ការជំរុញសម្រាប់ផ្នែកការទូតនៅអ៊ីរ៉ង់។