​រុស្ស៊ី៖ ប្រទេស​រុស្សីបាន​បន្តធ្វើ​សមយុទ្ធ​យោធា​គួរឱ្យ​ព្រួយបារម្ភកាលពី​ថ្ងៃ​សុក្រ ​ជាមួយនឹង​ការហ្វឹកហាត់​នៅ​ជិត​តំបន់ Voronezh ប្រទេស​រុស្សី និង​សមយុទ្ធ​កងទ័ពជើងទឹក​នៅ​សមុទ្រអា​ត្ល​ង់​ទិ​ក​។ ​បុគ្គលិក​ជាង ៥០០នាក់ និង​រថយន្ត ៨០គ្រឿង​បាន​ចូលរួម​ក្នុង​សមយុទ្ធ​ការពារ​ប្រឆាំងយន្តហោះ​នៅក្នុង​តំបន់ Voronezh រួមមាន​ទាំង​យន្តហោះ​ចម្បាំង SU-30SM និង SU-34 និង​ប្រព័ន្ធ S-300 SAM។​

​កង​នាវា​ភាគ​ខាងជើងបាន​បញ្ជូន​នាវាចម្បាំង Marshal Ustinov និង​នាវាចម្បាំង Admiral Kasatonov ដើម្បី​អនុវត្ត​ការការពារ​ដែនអាកាស​ក្នុង​លក្ខខណ្ឌ​អាកាសធាតុ​មិន​អំណោយ ផល​។​ ​កងទ័ព​រុស្ស៊ី និង​បេឡា​រុសបាននឹងកំពុង​ធ្វើ​សមយុទ្ធ​ហ្វឹកហ្វឺន​ប្រយុទ្ធ​រួមគ្នានៅ​ទីតាំង​បាញ់​ក្នុង​តំបន់ Brestsky ប្រទេស​បេឡា​រុស្ស ខណៈដែល​ការ​ព្រួយបារម្ភ​នៅតែបន្ត​កើតមាន​ ជុំវិញ​ការបង្កើន​កងទ័ព​រុស្ស៊ីនៅ​ជិត​ព្រំដែនប្រទេស​អ៊ុយ​ក្រែ​ន​។ ​ក្រសួងការពារជាតិ​រុស្ស៊ី​បាន​និយាយ​នៅក្នុង​សេចក្តីថ្លែងការណ៍​ថា សមយុទ្ធ​នេះ​ពាក់ព័ន្ធ​នឹង​កងកាំភ្លើងធំ និង​កងរថក្រោះ ក៏ដូចជា​ឧទ្ធម្ភាគចក្រ​ប្រយុទ្ធ និង​កងទ័ពអាកាស​៕

អត្ថបទ៖ ប៊ុនថន