នាយករដ្ឋមន្ត្រីអ៊ីស្រាអែល បាននិយាយទៅកាន់សារព័ត៌មាន CBS News ក្នុងទីក្រុងហ្សេរុយសាឡឹមអំពីការអំពាវនាវរបស់លោក Trump ឱ្យក្រុមហាម៉ាសរំសាយអាវុធ។

លោក Netanyahu បាននិយាយថា «លក្ខខណ្ឌនៅក្នុងផែនការសន្តិភាព២០ចំណុចរបស់លោកគឺច្បាស់លាស់ណាស់។ វាមិនត្រឹមតែ យើងត្រូវនាំយកចំណាប់ខ្មាំងចេញប៉ុណ្ណោះទេ ប៉ុន្តែយើងនឹងមានទាំងការឲ្យរំសាយអាវុធជាបន្តបន្ទាប់ និងគ្មានកងទ័ព»។

ទីមួយ ក្រុមហាម៉ាសត្រូវតែបោះបង់អាវុធរបស់ខ្លួន ហើយទីពីរត្រូវធ្វើឱ្យប្រាកដថា គ្មានរោងចក្រផលិតសព្វាវុធនៅក្នុងតំបន់ហ្កាហ្សា គ្មានការរត់ពន្ធអាវុធចូលទៅក្នុងតំបន់ហ្កាហ្សា និងគ្មានកងទ័ព។

ដូចដែលយើងកំពុងរាយការណ៍ ដំណាក់កាលទី២នៃផែនការសន្តិភាពរបស់លោក Trump ចំពោះការអំពាវនាវឱ្យក្រុមហាម៉ាសរំសាយអាវុធ ប៉ុន្តែនេះគឺជាអ្វីដែលក្រុមប៉ាឡេស្ទីនមិនបានយល់ព្រម។

វានៅតែជាឧបសគ្គមួយក្នុងចំណោមឧបសគ្គជាច្រើន ចំពោះសន្តិភាពយូរអង្វែងនៅក្នុងតំបន់នេះ។