អាហ្វហ្គានីស្ថាន៖ ចាប់តាំងពីក្រុមតាលីបង់បានចូលកាន់កាប់ទីក្រុងកាប៊ុលកាលពីខែសីហាឆ្នាំមុន និងបានដណ្តើមគ្រប់គ្រងប្រទេសនេះ ប្រជាជនអាហ្វហ្គានីស្ថាន និងពិភពលោកបានកំពុងឃ្លាំមើលថា តើក្រុមនេះនឹងដាក់ឡើងវិញនូវការគ្រប់គ្រងដ៏ឃោរឃៅរបស់ពួកគេ ដូចកាលពីចុងទសវត្សរ៍ឆ្នាំ១៩៩០ ដែរឬទេ។
ក្រុមតាលីបង់និយាយថា លើកនេះជុំវិញយុទ្ធសាស្ត្ររបស់ពួកគេខុសប្លែកពីលើកមុន ដោយក្រុមតាលីបង់ចេញទៅនិយាយជាមួយប្រជាជន។ នៅក្នុងក្រុង Herat នគរបាលក្រុមតាលីបង់បាននឹងកំពុងបង្កើតប៉ុស្តិ៍ត្រួតពិនិត្យ។ ក្នុងករណីខ្លះពួកគេណែនាំប្រជាជនឲ្យគោរពតាមច្បាប់អ៊ីស្លាម។ ប្រធានផ្នែកលើកកម្ពស់គុណធម៌ និងការពារភាពអមនុស្សធម៌នៅទីក្រុង Herat អះអាងថា កងកម្លាំងរបស់លោកនឹងមិនបង្ខំប្រជាជនឱ្យផ្លាស់ប្តូររបៀបរស់នៅរបស់ពួកគេឡើយ។ លោកនិយាយថា យើងមិនបានបញ្ជា ឬអនុញ្ញាតឱ្យនរណាម្នាក់ស្វែងរកក្នុងទូរស័ព្ទរបស់ប្រជាជន ឬពិនិត្យមើលម៉ូដសក់របស់ពួកគេ ឬមិនគោរពនរណាម្នាក់នោះទេ។ ទីភ្នាក់ងារនេះមានភារកិច្ចធានាឱ្យប្រជាជនគោរពតាមច្បាប់អ៊ីស្លាម។
ក្នុងអំឡុងការគ្រប់គ្រងកាលពីលើកមុនរបស់ក្រុមតាលីបង់ ក្រុមនេះបានអនុវត្តការបកស្រាយដ៏ឃោរឃៅនៃច្បាប់អ៊ីស្លាម។ នគរបាលក្រុមតាលីបង់ធ្លាប់ដើរល្បាតតាមរថយន្ត និងដាក់ទោសបុគ្គលណាដែលពួកគេចាត់ទុកថា ជាការប្រព្រឹត្តឧក្រិដ្ឋកម្ម។ បុរសមិនត្រូវបានគេអនុញ្ញាតឱ្យកោពុកមាត់ ហើយការប្រគុំតន្ត្រីប្រភេទណាក៏ដោយត្រូវបានហាមឃាត់។ ក្រុមតាលីបង់បានបដិសេធក្មេងស្រី និងស្ត្រីមិនឲ្យទទួលបានការអប់រំ ហើយបានរារាំងពួកគេពីជីវិតសាធារណៈ។ ក្រុមនេះតម្រូវឱ្យស្ត្រីពាក់ស្បៃគ្របដណ្តប់រាងកាយ និងមុខ។ ខណៈក្រុមតាលីបង់ទទូចថា ពួកគេនឹងគោរពសិទ្ធិស្ត្រីនៅពេលនេះ ប៉ុន្តែស្ត្រីអាហ្វហ្គានីស្ថាននៅតែប្រឈមនឹងការរឹតត្បិតជាច្រើន៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
