នៅថ្ងៃពុធនេះ រថយន្តដឹកជំនួយទៅកាន់តំបន់ហ្កាហ្សា ត្រូវបានគេមើលឃើញធ្វើដំណើរចេញពីទីក្រុង Rafah ប្រទេសអេហ្ស៊ីប ក្នុងនោះរថយន្តជាច្រើនគ្រឿងទៀត បានចតជាខ្សែនៅតាមតំបន់ព្រំដែន ។

ទូរទស្សន៍រដ្ឋអ៊ីស្រាអែល Kan រាយការណ៍ថា អ៊ីស្រាអែលនឹងអនុញ្ញាតឲ្យច្រកឆ្លងកាត់ព្រំដែន Rafah របស់ហ្កាហ្សាជាមួយប្រទេសអេហ្ស៊ីបបើកឡើងវិញនៅថ្ងៃពុធនេះ និងបង្កើនបរិមាណជំនួយចូលទៅកាន់ដែនដីបិទច្រកមួយនេះ ក្រោយក្រុមហាម៉ាស ប្រគល់សាកសពចំណាប់ថ្នូរស្លាប់បន្ថែមទៀត ។

ទូរទស្សន៍ Kan រាយការណ៍ទៀតថា កម្មវត្ថុចំពោះការឯកភាពសន្តិសុខរបស់អ៊ីស្រាអែល ពលរដ្ឋហ្កាហ្សាដែលបានចាកចេញពីដែនដីមួយនេះ អំឡុងសង្រ្គាម នឹងត្រូវអនុញ្ញាតឲ្យវិលត្រឡប់មកវិញជាលើកដំបូង ហើយមនុស្សដទៃ ត្រូវបានអនុញ្ញាតឲ្យធ្វើដំណើរឆ្លងកាត់ច្រកព្រំដែន Rafah ។

រថយន្តប្រហែល ៦០០គ្រឿង ដែលភាគច្រើនដឹកស្បៀងអាហារ និងគ្រឿងផ្គត់ផ្គង់វេជ្ជសាស្រ្ត ក៏ដូចជាឧបករណ៍ត្រូវការជួសជុលហេដ្ឋារចនាសម្ព័ន្ធរងការខូចខាត នឹងត្រូវបានអនុញ្ញាតឲ្យធ្វើដំណើរចូលទៅកាន់តំបន់ហ្កាហ្សា ។ នៅមិនទាន់មានសេចក្តីអត្ថាធិប្បាយភ្លាមៗនោះទេពីក្រុមមន្រ្តីអ៊ីស្រាអែល ឬក្រុមមន្រ្តីប៉ាឡេស្ទីន ។

កាលពីថ្ងៃអង្គារម្សិលមិញ អ៊ីស្រាអែលនិយាយថា ពួកគេងអនុញ្ញាតត្រឹមតែពាក់កណ្តាលប៉ុណ្ណោះនៃចំនួនរថយន្តដឹកជំនួយដែលបានព្រមព្រៀងគ្នាចូលទៅក្នុងតំបន់ហ្កាហ្សាដោយចាប់ផ្តើមពីថ្ងៃពុធ ទី១៥ ខែតុលានេះ ជាការថយចុះនៃក្តីសង្ឃឹមដែលថាស្បៀងអាហារ និងការផ្គត់ផ្គង់នឹងត្រូវបានបង្កើនយ៉ាងឆាប់រហ័សដើម្បីបន្ធូរបន្ថយទុរ្ភិក្សនៅក្នុងតំបន់ហ៊ុមព័ទ្ធមួយនេះ ៕