ព្រះសីហនុ ៖ នាវេលាម៉ោង ៤:៤៥ នាទីរសៀល ថ្ងៃពុធ ទី១៥ ខែតុលា ឆ្នាំ២០២៥ នៅចំណតផែកុងតឺន័រ កំពង់ផែស្វយ័តក្រុងព្រះសីហនុ (កសស) លេខ៧ កំពង់ផែស្វយ័តក្រុងព្រះសីហនុ បានរៀបចំប្រារព្ធពិធីអបអរសាទរ ការសម្រេចបានបរិមាណកុងតឺន័រឆ្លងកាត់ចំនួន ៥០០ ធីអ៊ីយូ ក្រោមកិច្ចសហប្រតិបត្តិការរវាង កំពង់ផែស្វយ័តក្រុងព្រះសីហនុ និងកំពង់ផែជាំងអ៊ីន ទីក្រុងអ៊ូស៊ី នៃសាធារណរដ្ឋប្រជាមានិតចិន។

ពីធីអបអរសាទរនេះ ប្រារព្ធ ក្រោមអធិបតីភាព ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងលោក ថៃ ឬទ្ធី អគ្គនាយករង ទទួលបន្ទុកអាជីវកម្ម តំណាង ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយក កំពង់ផែស្វយ័តក្រុងព្រះសីហនុ និងលោក Du Xiaogang លេខាបក្សទីក្រុងអ៊ូស៉ី នៃសាធារណរដ្ឋប្រជាមានិតចិន។

ពិធីអបអរសាទរនេះ បង្ហាញអំពីចំណុចចាប់ផ្តើម នៃកំណើនបរិមាណកុងតឺន័រឆ្លងកាត់ដែលមានសក្តានុពល ដែលជាសមិទ្ធផល នៃតំណរភ្ជាប់កំពង់ផែ រវាង កសស និងកំពង់ផែជាំងអ៊ីន ទីក្រុងអ៊ូស៊ី នៃសាធារណរដ្ឋប្រជាមានិតចិន៕