យោងតាមការចុះផ្សាយរបស់សារព័ត៌មាន Nikkei Asia បានលើកឡើងថា «ប្រទេសកម្ពុជា

បានឈរនៅចំណាត់ថ្នាក់លេខ 2 ក្នុងសន្ទស្សន៍នៃការងើប ឡើងវិញពីវីរុស Covid-19 របស់ Nikkei (COVID-19 Recovery Index)» បន្ទាប់ពីប្រទេសអាស៊ីអាគ្នេយ៍មួយនេះបាន ប្រកាសថា «ខ្លួននឹង ចាប់ផ្តើមរៀនរស់នៅជាមួយវីរុសរាតត្បាតនេះកាលពី 3 ខែមុន»។

ទន្ទឹមនឹងនេះដែរ ប្រទេសហ្វីលីពីនបានធ្លាក់ចុះពីចំណាត់ថ្នាក់ លេខ 45 ទៅនៅចំណាត់ថ្នាក់104 វិញ បន្ទាប់ពីវីរុសទម្រង់ omicron បានបង្កឱ្យមានការផ្ទុះឡើងនូវករណីឆ្លងយ៉ាងច្រើន។

សន្ទស្សន៍នេះបានធ្វើការវាយតម្លៃប្រទេសនិងតំបន់ លើការគ្រប់គ្រងការឆ្លងវីរុស, ការចាក់

វ៉ាក់សាំងនិងការចល័តទីនៅក្នុងសង្គម។ -ចំណាត់ថ្នាក់កាន់តែខ្ពស់ មានន័យថា : 

ទីកន្លែងនោះបានងាក ទៅកាន់តែជិតនឹងការ ងើបឡើងវិញពីវីរុស ដោយសារករណីឆ្លងមានចំនួនតិចជាងមុន, អត្រានៃការចាក់

វ៉ាក់សាំងកាន់តែច្រើន និងវិធានការរក្សាគម្លាតសង្គមមិនសូវតឹងរ៉ឹងខ្លាំង។

កម្ពុជា​បាន​និង​កំពុង​ដើរទៅមុខជា​លំដាប់​នៅក្នុង​រយៈពេល​ប៉ុន្មាន​ខែ​ថ្មីៗ​នេះ ដោយក្នុងនោះ កម្ពុជា បានរាយការណ៍អំពីករណីឆ្លងតិចជាង 1,000 ករណីនៅក្នុងខែមករា និងមិនមានអ្នកស្លាប់ដោយសារវីរុសCovid-19 នោះទេនៅក្នុងរយៈពេល 1 ខែកន្លងមកនេះ។

ការផ្ទុះឡើងដ៏ធំនៃករណីឆ្លងដែលបាន ចាប់ផ្តើមនៅក្នុងខែកុម្ភៈ ឆ្នាំ 2021 បានបន្តអូសបន្លាយអស់រយៈពេលជាច្រើនខែ និងបានបង្កផលប៉ះពាល់ដល់វិស័យសុខភាពសាធារណៈ និងបានបង្កឱ្យយមាន ការបិទខ្ទប់ប្រទេសជាទ្រង់ទ្រាយធំ។

សារព័ត៌មាននេះបានបន្តថា ទោះជាយ៉ាង​ណា​ក៏​ដោយ កម្ពុជា​បាន​បន្ត​ជំរុញ​យុទ្ធនាការ​ចាក់​

វ៉ាក់សាំង​របស់​ខ្លួន ដោយ​បានពឹង​ផ្អែក​ជា​ចម្បង​លើ​វ៉ាក់សាំង​ ដែលផលិត​ដោយ​ប្រទេសចិន។គិតត្រឹមខែវិច្ឆិកា ឆ្នាំ២០២១ ការចាក់វ៉ាក់សាំង

របស់កម្ពុជាបានដើរ លឿនជាងគោលដៅដែលបានកំណត់ ដែលជាហេតុជំរុញឱ្យសម្តេចតេជោនាយករដ្ឋមន្ត្រី ហ៊ុន សែន បញ្ជាឱ្យបើកដំណើរការប្រទេសឡើងវិញទាំងស្រុង។ 

ក្រោយមក នៅក្នុងខែដដែលនោះ កម្ពុជាបានក្លាយជាសមាជិកអាស៊ានដំបូងគេដែល បានលើកលែងការធ្វើចត្តាឡីស័កលើអ្នកធ្វើដំណើរពីបរទេស ដែលបានចាក់វ៉ាក់សាំងពេញលេញ។

របាយការណ៍របស់អង្គការសុខភាពពិភពលោកដែលចុះថ្ងៃទី24 ខែមករា បានឱ្យដឹងថា «98.5% នៃមនុស្សពេញវ័យរបស់កម្ពុជា និង96.8% នៃកុមារ ដែលមានអាយុចាប់ពី 5 ឆ្នាំឡើងទៅបានទទួលវ៉ាក់សាំង Covid-19 ចំនួន 2 ដូស ខណៈដែលប្រជាជនពេញវ័យជិត ពាក់កណ្តាលបានទទួលវ៉ាក់សាំងដូសជំរុញរួចរាល់»។ 

របាយការណ៍ដដែលនោះបានឱ្យដឹងទៀតថា «ប្រហែល 85% នៃវ៉ាក់សាំងចំនួន 43.5 លានដូសដែលកម្ពុជាមាន គឺទទួលបានពីការបញ្ជាទិញពីចិន ឬទទួលបានពីការបរិច្ចាគពីប្រទេសចិន»៕

​https://asia.nikkei.com/Spotlight/Coronavirus/COVID-19-Recovery-Index/Living-with-COVID-Cambodia-jumps-to-2nd-in-Nikkei-Recovery-Index