របាយការណ៍ថ្មីមួយដែលបានចេញផ្សាយកាលពីថ្ងៃពុធ ទី១៥ ខែតុលា ដោយអង្គការឧតុនិយមពិភពលោក(WMO) បានរកឃើញថា កម្រិតកាបូនឌីអុកស៊ីតនៅក្នុងបរិយាកាស បានឈានដល់កម្រិតខ្ពស់បំផុតមិនធ្លាប់មានត្រូវបានកត់ត្រាទុក ដែលអាចធ្វើឱ្យភពផែនដីឡើងកម្តៅ និងនាំឱ្យមានព្រឹត្តិការណ៍អាកាសធាតុធ្ងន់ធ្ងរបន្ថែមទៀត។

ចាប់តាំងពីឆ្នាំ២០២៣ ដល់ឆ្នាំ២០២៤ កំហាប់កាបូនឌីអុកស៊ីតជាមធ្យមរបស់ពិភពលោក បានកើនឡើងក្នុងកម្រិតខ្ពស់បំផុតចាប់តាំងពីការវាស់ស្ទង់ចាប់ផ្តើមនៅក្នុងឆ្នាំ១៩៥៧ នេះបើយោងតាមរបាយការណ៍ចេញផ្សាយនៅមុនសន្និសីទបម្រែបម្រួលអាកាសធាតុអង្គការសហប្រជាជាតិនៅប្រទេសប្រេស៊ីលនៅខែក្រោយ។

របាយការណ៍និយាយថា ការដុតឥន្ធនៈហ្វូស៊ីល និងការកើនឡើងចំហេះព្រៃ ជាពិសេសនៅអាមេរិកខាងត្បូង បានជំរុញឱ្យមានការកើនឡើងកម្រិតឧស្ម័នកាបូនិកកាលពីឆ្នាំមុន ដោយសង្កត់ធ្ងន់លើតម្រូវការបន្ថែមទៀតដែលត្រូវធ្វើដើម្បីកាត់បន្ថយការបំភាយឧស្ម័ន។

កំហាប់ឧស្ម័នផ្ទះកញ្ចក់សំខាន់ៗផ្សេងទៀត មានមេតាន និងអុកស៊ីដនីត្រាត ក៏បានកើនឡើងដល់កម្រិតកំណត់ត្រាផងដែរ ដែលបានកើនឡើង១៦% និង២៥%នីមួយៗ ធៀបនឹងកម្រិតមុនឧស្សាហកម្ម ខណៈឧស្ម័នកាបូនិកកើនឡើង ៥២% ។