អ្នកសម្របសម្រួលកងទ័ពជាតិបូលីវ៉ា(CNEB) ជាក្រុមប្រឆាំងមួយក្នុងចំណោមមក្រុមប្រឆាំងចំនួនប្រាំដែលកើតចេញពីអតីតចលនាកងទ័ពព្រៃ FARC កាលពីថ្ងៃពុធ ទី១៥ ខែតុលា បានប្រគល់ផ្នែកដំបូងនៃសម្ភារៈសង្រ្គាមចំនួន១៤តោនដើម្បីកម្ទេចចោល ជាសញ្ញានៃសន្តិភាពក្នុងការចរចាជាមួយរដ្ឋាភិបាលប្រទេសកូឡុំប៊ី។

ការផ្តល់គ្រឿងផ្ទុះ គ្រាប់បែកដៃ កាំភ្លើងត្បាល់ និងឧបករណ៍ផ្សេងទៀត រហូតមកដល់ពេលនេះ គឺជាជំហានសំខាន់បំផុតរបស់ប្រធានាធិបតីឆ្វេងនិយម លោក Gustavo Petro ក្នុងការទទួលយកក្រុមនេះ ដែលរួមមានមនុស្សប្រហែល២.០០០នាក់ រួមមានទាំងអ្នកប្រយុទ្ធនិងអ្នកសហការចេញពីជម្លោះផ្ទៃក្នុងរយៈពេល៦ទសវត្សរ៍របស់ប្រទេស ដែលបានបណ្តាលឲ្យមនុស្សជាង៤៥០.០០០នាក់ស្លាប់។

សម្ភារៈសង្រ្គាមត្រូវបានបំផ្ទុះបំផ្លាញចោលនៅក្នុងប្រតិបត្តិការគ្រប់គ្រងដោយកងទ័ពជាតិនៅក្នុងតំបន់ជនបទ នៅជិតក្រុង Puerto Asís។

អ្នកសម្របសម្រួលកងទ័ពជាតិបូលីវ៉ា(CNEB) ជាក្រុមប្រឆាំងកងកម្លាំងប្រដាប់អាវុធបដិវត្តន៍កូឡុំប៊ី (FARC) ដឹកនាំដោយ លោក Ivan Marquez កាលពីខែសីហា ឆ្នាំ២០១៩ បានបដិសេធកិច្ចព្រមព្រៀងសន្តិភាពដែលបានចុះហត្ថលេខាកាលពីបីឆ្នាំមុន ដោយចោទប្រកាន់ថារដ្ឋមិនបានអនុវត្តតាម។