នាយករដ្ឋមន្ត្រីបារាំងលោក Sebastien Lecornu បានរួចផុតពីការបោះឆ្នោតដកសេចក្ដីទុកចិត្តចំនួនពីរ នៅក្នុងសភាកាលពីថ្ងៃព្រហស្បតិ៍សប្ដាហ៍នេះ ដោយទទួលបានការគាំទ្រយ៉ាងខ្លាំងពីគណបក្សសង្គមនិយម ដោយសារការសន្យារបស់លោកក្នុងការព្យួរកំណែទម្រង់ប្រាក់សោធននិវត្តន៍ដ៏ចម្រូងចម្រាសរបស់លោកប្រធានាធិបតី Emmanuel Macron ។   

ញត្តិចំនួនពីរដែលបង្ហាញដោយគណបក្សឆ្វេងនិយមជ្រុល ចលនាបដិវត្តន៍បារាំង (France Unbowed) និងគណបក្សស្តាំនិយមជ្រុល កម្លាំងជាតិ (National Rally) ទទួលបានត្រឹមតែ២៧១ សំឡេង និង១៤៤ សំឡេងតែប៉ុណ្ណោះ តិចជាង ២៨៩ សំឡេងដែលត្រូវការដើម្បីទម្លាក់រដ្ឋាភិបាលចាស់របស់លោក Lecornu ។  

ការផ្តល់ជូនរបស់លោក Lecornu ចំពោះការកែទម្រង់ប្រាក់សោធននិវត្តន៍រហូតដល់ក្រោយការបោះឆ្នោតប្រធានាធិបតីឆ្នាំ ២០២៧ បានជួយទាញការគាំទ្រពីក្រុមអ្នកសង្គមនិយម ដោយផ្តល់ឱ្យរដ្ឋាភិបាលទទួលបានការសង្គ្រោះនៅក្នុងរដ្ឋសភាដែលបែកបាក់យ៉ាងខ្លាំង។

ទោះបីជាមានការបន្ធូរបន្ថយក៏ដោយ ញត្តិទាំងនេះបានគូសបញ្ជាក់ពីភាពផុយស្រួយនៃការគ្រប់គ្រងរបស់លោក Macron នៅពាក់កណ្តាលអាណត្តិចុងក្រោយរបស់លោក។   

គួរបញ្ជាក់ថា លោក Lecornu ជានាយករដ្ឋមន្ត្រីកាន់តំណែងរយៈពេលខ្លីបំផុតរបស់ប្រទេសបារាំង នៅក្នុងសម័យទំនើប មុនពេលរូបលោកត្រូវបានតែងតាំងឡើងវិញកាលពីសប្តាហ៍មុន ៕