មន្ត្រីមូលនិធិរូបិយវត្ថុអន្តរជាតិ (IMF) បាននិយាយកាលពីថ្ងៃព្រហស្បតិ៍ (១៦ តុលា) ថា នៅចំពោះមុខហានិភ័យនៃភាពតានតឹងពាណិជ្ជកម្ម សេដ្ឋកិច្ចអាស៊ីគួរតែបង្កើនកំណើនសេដ្ឋកិច្ចរបស់ខ្លួនដោយការជំរុញបន្ថែមទៀតឆ្ពោះទៅរកកំណើននៃតម្រូវការក្នុងស្រុក និងការពង្រឹងសមាហរណកម្មក្នុងតំបន់។

លោក Krishna Srinivasan ប្រធាននាយកដ្ឋានអាស៊ី និងប៉ាស៊ីហ្វិករបស់ IMF បាននិយាយនៅក្នុងសន្និសីទសារព័ត៌មានមួយថា "អាស៊ីគឺជាតំបន់ដែលពឹងផ្អែកខ្លាំងលើពាណិជ្ជកម្មខាងក្រៅ ដូច្នេះគ្រប់ពេលដែលមានភាពតក់ស្លុតណាមួយចំពោះពាណិជ្ជកម្មពិភពលោក អាស៊ីនឹងប៉ះពាល់កាន់តែច្រើន"។

លោកបន្តថា៖ "អាស៊ីមានឱកាសមួយដើម្បីជំរុញបន្ថែមទៀតឆ្ពោះទៅរកកំណើនដែលដឹកនាំដោយតម្រូវការក្នុងស្រុក" ដោយកត់សម្គាល់ថា ការរួមចំណែកនៃតម្រូវការក្នុងស្រុកចំពោះកំណើនក្នុងតំបន់អាស៊ី និងប៉ាស៊ីហ្វិក បានធ្លាក់ចុះយ៉ាងខ្លាំង បើធៀបនឹងរយៈពេលមុនជំងឺរាតត្បាតកូវីដ១៩។

យោងតាមការព្យាករចុងក្រោយរបស់ IMF កំណើនឆ្នាំ២០២៦ ក្នុងតំបន់អាស៊ីប៉ាស៊ីហ្វិក ត្រូវបានព្យាករណ៍ថានឹងមានកម្រិត ៤,១% ដោយធ្លាក់ចុះពីអត្រា ៤,៥% ក្នុងឆ្នាំនេះ។ ទោះបីជាមានកំណើនយឺតក៏ដោយ លោក Srinivasan បានសង្កត់ធ្ងន់ថា តំបន់អាស៊ីនឹងនៅតែជាកត្តាជំរុញដ៏ធំបំផុតនៃកំណើនពិភពលោក ដោយរួមចំណែកប្រហែល ៦០% ទាំងនៅឆ្នាំនេះ និងនៅឆ្នាំ២០២៦៕