យោងតាមការព្រមានរបស់សមាជិកជាន់ខ្ពស់របស់គណបក្សសាធារណរដ្ឋកាលពីថ្ងៃសុក្រ បានឲ្យដឹងថា ការបិទរដ្ឋាភិបាលសហរដ្ឋអាមេរិក ក្នុងពេលឆាប់ៗនេះអាចបង្ខំបុគ្គលិកភាគច្រើនដែលទទួលខុសត្រូវក្នុងការគ្រប់គ្រងអាវុធនុយក្លេអ៊ែររបស់ប្រទេសនេះឱ្យឈប់ពីការងារ។

ប្រធានគណៈកម្មាធិការយោធសេវាប្រដាប់អាវុធរបស់សភា លោក Mike Rogers បាននិយាយថា រដ្ឋបាលសន្តិសុខនុយក្លេអ៊ែរជាតិ (NNSA) ដែលគ្រប់គ្រងឃ្លាំងនុយក្លេអ៊ែររបស់ប្រទេស ជិតអស់មូលនិធិបម្រុងហើយ ហើយប្រហែលជាត្រូវកាត់រំសាយបុគ្គលិករហូតដល់៨០ភាគរយ។

លោក Rogers បានប្រាប់អ្នកសារព័ត៌មានថា «ទាំងនេះពុំមែនជាបុគ្គលិកដែលអ្នកចង់ឲ្យទៅផ្ទះវិញនោះទេ»។ «ពួកគេកំពុងគ្រប់គ្រងយុទ្ធោបករណ៍យុទ្ធសាស្ត្រដ៏សំខាន់សម្រាប់ពួកយើង។ ពួកគេចាំបាច់ត្រូវនៅកន្លែងធ្វើការ និងទទួលបានប្រាក់ខែ»។

ការព្រមាននេះធ្វើឡើងនៅពេលដែលការបិទរដ្ឋាភិបាលចូលដល់សប្តាហ៍ទី៣របស់ខ្លួន ដោយសមាជិកសភានៅតែជាប់គាំងលើសេចក្តីស្នើច្បាប់ចំណាយ។ ព្រឹទ្ធសភាកាលពីថ្ងៃព្រហស្បតិ៍សប្តាហ៍នេះបានបរាជ័យជាលើកទី ១០ ក្នុងការអនុម័តសំណើរបស់គណបក្សសាធារណរដ្ឋដើម្បីបើករដ្ឋាភិបាលឡើងវិញ។