ព្រះអង្គម្ចាស់ Andrew របស់អង់គ្លេស បានយល់ព្រមបោះបង់ការប្រើប្រាស់ឋានៈជា Duke of York ដោយព្រះអង្គបានមានព្រះបន្ទូលនៅក្នុងសេចក្តីថ្លែងការណ៍មួយដែលបានចេញផ្សាយតាមរយៈព្រះបរមរាជវាំង Buckingham ។  

ព្រះអង្គក៏នឹងបោះបង់ការប្រើប្រាស់ព្រះកិត្តិយសរបស់ទ្រង់ជា Knight Grand Cross of the Royal Victorian Order (GCVO) និង Royal Knight Companion of the Most Noble Order of the Garter ផងដែរ ។  

ក្នុងសេចក្តីថ្លែងការណ៍មួយ ព្រះអង្គម្ចាស់បានមានព្រះរាជបន្ទូលថា ក្នុងការពិភាក្សាជាមួយព្រះមហាក្សត្រ និងព្រះរាជវង្សដ៏ធំរបស់ទ្រង់ ព្រះអង្គបានបញ្ចប់ការចោទប្រកាន់ដែលបន្តធ្វើឲ្យទ្រង់ដកព្រះកាយចេញពីការងារព្រះរាជកិច្ចរបស់ព្រះអង្គ និងព្រះរាជវង្សានុវង្ស ។ ព្រះអង្គបានសម្រេចព្រះហរទ័យ រួចរាល់ហើយ ខណៈដែលទ្រង់តែងតែ ដាក់ការងារព្រះរាជកិច្ចរបស់ទ្រង់លើរាជវង្ស និងប្រទេសរបស់ទ្រង់ជាអាទិភាព ។ព្រះអង្គបានឈរលើការសម្រេចព្រះហរទ័យរបស់ទ្រង់៥ឆ្នាំមកហើយ ដើម្បីដកព្រះកាយចេញពីជីវិតសាធារណៈ។ 

ព្រះអង្គមានព្រះបន្ទូលថា ដោយមានការយល់ព្រមពីព្រះមហាក្រត្រ ព្រះអង្គមានព្រះហរទ័យ ថា ឥឡូវទ្រង់ត្រូវដើរមួយជំហានទៀត ដូច្នេះ ទ្រង់នឹងលែងប្រើឋានៈ ឬកិត្តិយសដែលបានប្រគល់មកឲ្យទ្រង់ទៀតហើយ ដូចដែលព្រះអង្គបានមានព្រះបន្ទូលកន្លងមកថា ទ្រង់បដិសេធយ៉ាងម៉ឺងម៉ាត់ចំពោះការចោទប្រកាន់មកលើព្រះអង្គ។ 

ការចោទប្រកាន់នានាអំពីព្រះអង្គម្ចាស់ Andrew បានធ្វើឲ្យមានការព្រួយបារម្ភដល់ទំនាក់ទំនងរបស់ទ្រង់ជាមួយអតីតជនល្មើសផ្លូវភេទកុមារគឺ Jeffrey Epstein និងរឿងលម្អិតថ្មីៗអំពីទំនាក់ទំនងរបស់ទ្រង់ជាមួយនឹងអ្នកនយោបាយដ៏លេចធ្លោម្នាក់ពាក់ព័ន្ធនឹងករណីធ្វើចារកម្មអំពីប្រទេសចិន៕