ក្រុមបាតុករអ៊ីស្រាអែលបានជួបជុំគ្នានៅទីក្រុងតែល អាវីវ និងទីក្រុងហ្សេរុយសាឡឹមកាលពីថ្ងៃសៅរ៍ ទាមទារឲ្យរដ្ឋាភិបាលអ៊ីស្រាអែលត្រូវមើលកិច្ចព្រមព្រៀងចំណាប់ថ្នូរឆ្លងផុត និងធានាការវិលត្រឡប់មកវិញរបស់ចំណាប់ថ្នូរស្លាប់សេសសល់ នៅតំបន់ហ្កាហ្សា ។

ក្រុមបាតុករនាំគ្នាកាន់បដាតវ៉ាប្រឆាំងលោកនាយករដ្ឋមន្រ្តី Benjamin Netanyahu តាមទារឲ្យលោកចុះចេញពីតំណែង និងជំរុញឲ្យប្រធានាធិបតីសហរដ្ឋអាមេរិកលោក Donald Trump ទទួលយកការចរចា ។

ក្រុមបាតុករនាំគ្នាចង្អុរមុខលោក Netanyahu ថាជាអ្នកទទួលខុសត្រូវចំពោះអ្វីដែលបានកើតឡើង ចាប់តាំងពីថ្ងៃទី ៧ ខែតុលា ឆ្នាំ ២០២៣ និងតាំងពីមុនពេលនោះ ។ ពួកគេនិយាយថា បាតុកម្មនឹងបន្តរហូតដល់ ចំណាប់ថ្នូរសេសសល់ទាំងអស់ ត្រឡប់មកវិញ ។

ការិយាល័យរបស់លោក Netanyahu និយាយកាលពីថ្ងៃសៅរ៍ថា ច្រកឆ្លងកាត់ Rafah របស់តំបន់ហ្កាហ្សា បន្តបិទ រហូតមានការជូនដំណឹងបន្ថែមទៀត ដរាបណាក្រុមហាម៉ាសមិនធានាការប្រគល់មកវិញសាកសពសេសសល់ទេនោះ ។

សូមបញ្ជាក់ថា សង្គ្រាមរយៈពេលពីរឆ្នាំបង្កដោយអ៊ីស្រាអែលបានធ្វើឲ្យអត្រាភាពក្រីក្រ និងអត្រាគ្មានការងារធ្វើកើនឡើងនៅក្នុងដែនដីហ្កាហ្សា ដោយបានបំផ្លិចបំផ្លាញជីវភាពរស់នៅ និងធ្វើឲ្យប្រជាជនធ្លាក់ចូលក្នុងទីដ៏ជ្រៅនៃភាពអស់សង្ឃឹម ៕