សហរដ្ឋអាមេរិក៖ ប្រមុខការទូតសហរដ្ឋអាមេរិកលោក Antony Blinken គ្រោងនឹងធ្វើដំណើរទៅកាន់តំបន់ប៉ាស៊ីហ្វិកនៅសប្ដាហ៍នេះ ដើម្បីរម្លឹកដល់ពិភពលោកថា ការផ្ដោតជាយុទ្ធសាស្ត្ររយៈពេលវែងរបស់ក្រុង Washington នៅតែស្ថិតនៅជាមួយតំបន់អាស៊ី-ប៉ាស៊ីហ្វិកជានិច្ច ទោះបីជាវិបត្តិដែលចេះតែរីកធំជាមួយរុស្ស៊ីជុំវិញបញ្ហាអ៊ុយក្រែននៅតែបន្តក៏ដោយ។
លោក Blinken គ្រោងនឹងទៅកាន់អូស្ត្រាលី កោះហ្វីជី និងកោះ Hawaii នៅថ្ងៃចន្ទនេះសម្រាប់ជំនួបជាមួយសម្ព័ន្ធមិត្តសំខាន់ៗ ដើម្បីបញ្ជាក់ពីការប្ដេជ្ញាចិត្តក្នុងការជំរុញវាយបក នូវអ្វីដែលសហរដ្ឋអាមេរិកហៅការកើនឡើងឥទ្ធិពលយោធា និងសេដ្ឋកិច្ចរបស់ចិនថា ជាការបង្ខិតបង្ខំដោយការគំរាមកំហែង។ ដំណើររបស់លោកនៅសប្ដាហ៍នេះនឹងក្លាយជាជំនួប នៃការបង្កើតក្រុមប្រទេសក្រៅផ្លូវការដូចជា អូស្ត្រាលី ឥណ្ឌា ជប៉ុន និងសហរដ្ឋអាមេរិកដែលត្រូវគេស្គាល់ថា Quad នឹងធ្វើការលើការពន្លឿនកិច្ចខិតខំប្រឹងប្រែងខាងការទូតលើបញ្ហាកូរ៉េខាងជើង និងការពិភាក្សាពីក្ដីកង្វល់ជុំតំបន់កោះប៉ាស៊ីហ្វិក ជាទីដែលក្រុមមន្ត្រីសហរដ្ឋអាមេរិកជឿថា ប្រទេសចិនចង់បង្កើតមូលដ្ឋាន។ ដំណើររបស់លោក Blinken មានឡើង ប៉ុន្មានថ្ងៃបន្ទាប់ពីប្រទេសចិន និងរុស្ស៊ី បានប្រកាសពីភាពជាដៃគូយុទ្ធសាស្ត្រគ្មានដែនកំណត់ នៅជំនួបកីឡាអូឡាំពិករដូវរងាក្រុងប៉េកាំង។ សហរដ្ឋអាមេរិកបានធ្វើពហិការការទូតនៃព្រឹត្តិការណ៍អូឡាំពិកក្រុងប៉េកាំង៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
