ខណៈគុណភាពខ្យល់នៅក្នុងតំបន់រដ្ឋធានីរបស់ប្រទេសឥណ្ឌាកាន់តែធ្លាក់ចុះយ៉ាប់យ៉ឺនទៅជាប្រភេទ «កង្វក់ខ្យល់ខ្លាំង» រដ្ឋាភិបាលសហព័ន្ធរបស់ឥណ្ឌា បានដាក់ការរឹតត្បិតក្រោមផែនការសកម្មភាពឆ្លើយតបកម្រិតខ្ពស់(GRAP) ដំណាក់កាល-II នៅក្នុងតំបន់ទីក្រុង Delhi របស់ប្រទេស កាលពីថ្ងៃអាទិត្យ។

ការសម្រេចនេះ ត្រូវបានធ្វើឡើងក្នុងអំឡុងកិច្ចប្រជុំត្រួតពិនិត្យបន្ទាន់មួយបន្ទាប់ពីការសង្កេតនៃការកើនឡើងជាលំដាប់នៃកម្រិតកង្វក់ខ្យល់ពេញមួយថ្ងៃ។

សន្ទស្សន៍គុណភាពខ្យល់ (AQI) នៅទីក្រុងដេលី បានបង្ហាញពីនិន្នាការកើនឡើងចាប់តាំងពីពេលព្រឹក ហើយត្រូវបានកត់ត្រាមានសន្ទស្សន៍២៩៦ នៅម៉ោង៤រសៀល និងសន្ទស្សន៍៣០២ នៅម៉ោង៧យប់ ម៉ោងក្នុងស្រុក។ ការព្យាករដោយក្រសួងឧតុនិយមឥណ្ឌា និងវិទ្យាស្ថានឧតុនិយមត្រូពិកឥណ្ឌា ក៏បានព្យាករពីការធ្លាក់ចុះកាន់តែយ៉ាប់យ៉ឺនបន្ថែមទៀតនៅក្នុងប៉ុន្មានថ្ងៃខាងមុខ។

ក្រសួងនិយាយថា «អនុគណៈកម្មាធិការ សម្រេចហៅសកម្មភាពទាំងអស់នៅក្រោមដំណាក់កាលទី២ (កង្វក់គុណភាពខ្យល់យ៉ាប់យ៉ឺនខ្លាំង) នៃផែនការសកម្មភាពឆ្លើយតប ដែលមានស្រាប់នៅក្នុងរដ្ឋធានីដែលី ទាំងមូលរបស់ប្រទេស»។