ក្រុមអ្នកជំនាញសុខភាពនិយាយថា ប៉ាគីស្ថានកំពុងបង្កើនកិច្ចខិតខំផ្តល់វ៉ាក់សាំងដល់កុមារ ១០លាននាក់ ដើម្បីបង្កាជំងឺស្វិតដៃជើង ប៉ុន្តែបញ្ហាសន្តិសុខ និងព័ត៌មានមិនពិតនៅតែជាឧបសគ្គធំ ។

នៅក្នុងយុទ្ធនាការរយៈពេល ១សប្តាហ៍ ដែលបានចាប់ផ្តើមកាលពីថ្ងៃទី ១៣ ប៉ាគីស្ថានបានដាក់ចេញផែនការផ្តល់ប្រព័ន្ធភាពស៊ាំដល់កុមារ ៤៥លាននាក់ក្រោមអាយុ ៥ឆ្នាំ ប្រឆាំងនឹងវីរុសមួយនេះ ។

ក្រុមការងារសុខភាពជួរមុខជាង ៤០ម៉ឺននាក់ ត្រូវបានដាក់ពង្រាយទៅកាន់ស្រុកចំនួន ១៥៩ នៅតាមទីកន្លែងជាច្រើនដូចជាសាលារៀន និងតាមផ្ទះ ដើម្បីផ្តល់វ៉ាក់សាំង ២ដំណក់ដល់កុមារម្នាក់ៗ និងអប់រំសហគមន៍ ។

បើទោះបីជាមានកិច្ចខិតខំផ្តល់វ៉ាក់សាំងបង្កាជំងឺស្វិតដៃជើងអស់រយៈពេលជាច្រើនឆ្នាំយ៉ាងណាក្តី ប៉ាគីស្ថាន ស្ថិតក្នុងចំណោមប្រទេស ២គត់ជាមួយអាហ្វហ្គានីស្ថាន ដែលនៅតែកើតមានជំងឺមួយនេះ ។

ជំងឺស្វិតដៃជើងវាយប្រហារក្មេងៗតូចៗ ប៉ុន្តែវាអាចធ្វើឲ្យប៉ះពាល់ដល់មនុស្សពេញវ័យផងដែរ ។ វាអាចនាំឲ្យខ្វិន ឬក្នុងករណីធ្ងន់ធ្ងរបណ្តាលឲ្យមនុស្សស្លាប់ទៀតផង ៕