រដ្ឋសហភាពអឺរ៉ុប បានព្រមព្រៀងបញ្ឈប់ការនាំចូលប្រេងនិងឧស្ម័នរបស់រុស្ស៊ីនៅត្រឹមឆ្នាំ២០២៨ ដោយកាត់ផ្តាច់ទំនាក់ទំនងផ្នែកថាមពលដែលរដ្ឋទាំងនេះព្រួយបារម្ភថាជួយបញ្ឆេះសង្គ្រាមរបស់ទីក្រុងមូស្គូនៅអ៊ុយក្រែន។

រដ្ឋមន្ត្រីថាមពលសហភាពអឺរ៉ុបស្ទើរតែទាំងអស់ បានបោះឆ្នោតគាំទ្រសេចក្តីព្រាងបទប្បញ្ញត្តិនេះ ដែលអនុវត្តទាំងបំពង់បង្ហូរប្រេងនិងឧស្ម័នធម្មជាតិរាវ (LNG) ក្នុងអំឡុងពេលកិច្ចប្រជុំនៅក្នុងប្រទេសលុចសំបួរ កាលពីថ្ងៃចន្ទ។

វានឹងតម្រូវឱ្យសមាជិកសហភាពអឺរ៉ុប លុបចោលកិច្ចសន្យានាំចូលឧស្ម័នថ្មីពីប្រទេសរុស្ស៊ីចាប់ពីខែមករា ឆ្នាំ ២០២៦ និងកិច្ចសន្យារយៈពេលខ្លីដែលមានស្រាប់ចាប់ពីខែមិថុនា ឆ្នាំ២០២៦ ព្រមទាំងកិច្ចសន្យារយៈពេលវែងនៅខែមករា ឆ្នាំ២០២៨។

សំណើនេះ បច្ចុប្បន្នត្រូវបានអនុម័តដោយសភាសហភាពអឺរ៉ុប។ ផែនការនេះគឺជាផ្នែកមួយនៃយុទ្ធសាស្ត្រ រស់សហភាពអឺរ៉ុបដ៏ទូលំទូលាយដើម្បីទប់ស្កាត់ការពឹងផ្អែកផ្នែកថាមពលរបស់រុស្ស៊ីក្នុងពេលមានសង្គ្រាមនៅអ៊ុយក្រែន ហើយធ្វើឡើងបន្ទាប់មានការអំពាវនាវជាបន្តបន្ទាប់របស់ប្រធានាធិបតីសហរដ្ឋអាមេរិកលោក Donald Trump ឱ្យរដ្ឋសហភាពអឺរ៉ុបបញ្ឈប់ «ការផ្តល់មូលនិធិសម្រាប់សង្គ្រាមប្រឆាំងនឹងខ្លួនឯង»។