វាជាការបំផ្លិចបំផ្លាញដ៏មហន្តរាយបន្ទាប់ពីការវាយប្រហារលើមជ្ឈមណ្ឌលមួយកន្លែងដែលផ្តល់ទីជម្រកដល់ជនភៀសខ្លួនក្នុងទីក្រុង al-Fashir ប្រទេសស៊ូដង់។ អ្នកស្រុកនិយាយថា វាត្រូវបានធ្វើឡើងដោយកងកម្លាំងគាំទ្ររហ័សយោធាប៉ារ៉ា។ ការវាយប្រហារដោយយានដ្រូនដដែលៗក្នុងអំឡុងពេលបួងសួងបានបណ្តាលឱ្យមនុស្ស៥៧នាក់ស្លាប់ក្នុងនោះមានកុមារ១៧នាក់និងទារក៣នាក់ នេះបើយោងតាមអ្នកគ្រប់គ្រងមជ្ឈមណ្ឌល។

អ្នកស្រុកនិយាយថាពេលនេះវាក្លាយជាការពិតនៃជីវិតក្នុងទីក្រុង al-Fashir ជួបគ្រោះទុរ្ភិក្ស។ វាគឺជាការទប់ទល់ចុងក្រោយរបស់កងទ័ពស៊ូដង់នៅក្នុងតំបន់ដ៏ធំ តំបន់ភាគខាលិចទីក្រុងDarfur ខណៈកងទ័ពប្រយុទ្ធជាមួយកងកម្លាំគាំទ្ររហ័ស(RSF) នៅក្នុងសង្គ្រាមស៊ីវិលរយៈពេលពីរឆ្នាំកន្លះ។ កងទ័ពបាននិងកំពុងដណ្តើមយកទឹកដីនៅកន្លែងផ្សេងទៀតក្នុងប្រទេសស៊ូដង់ ប៉ុន្តែទីក្រុង Darfur ជាទីតាំងលាក់ខ្លួនរបស់កងកម្លាំងគាំទ្ររហ័ស(RSF)។

អ្នកស្រុករាប់សិបនាក់បាននិយាយថា អ្នកទាំងឡាយដែលនៅតែនៅក្នុងទីក្រុង បានជីកលេណដ្ឋានដើម្បីការពារខ្លួនបន្ទាប់ពីមានការវាយប្រហារដដែលៗលើជនស៊ីវិល។ ប្រជាជនក៏បានពណ៌នាអំពីការបញ្ចៀសយានដ្រូនដោយកំណត់ការធ្វើដំណើររបស់ខ្លួន និងការជួបជុំធំៗនៅពេលថ្ងៃ និងមិនប្រើពន្លឺភ្លើងក្នុងពេលមេឃងងឹត។

សកម្មជនមកពីបណ្តាញក្នុងស្រុកនិយាយថាជាមធ្យមមនុស្ស៣០នាក់ក្នុងមួយថ្ងៃ បានស្លាប់ដោយសារអំពើហិង្សា ភាពអត់ឃ្លាន និងជំងឺ។