ស្នងការពាណិជ្ជកម្មសហភាពអ៊ឺរ៉ុប លោក Maros Sefcovic កាលពីថ្ងៃអង្គារ ទី២១ ខែតុលា បានអំពាវនាវឱ្យមាន «ដំណោះស្រាយភ្លាមៗ» ចំពោះការរឹតបន្តឹងរបស់ប្រទេសចិនលើការនាំចេញរ៉ែកម្រ។

លោក Sefcovic បាននិយាយថា លោកបានអញ្ជើញសមភាគីចិន លោកWang Wentao រដ្ឋមន្ត្រីក្រសួងពាណិជ្ជកម្មទៅកាន់ទីក្រុងព្រុចសែល ដើម្បីស្វែងរក «ដំណោះស្រាយបន្ទាន់»។

ក្នុងសន្និសីទសារព័ត៌មានលោក Sefcovic និយាយថា «រដ្ឋមន្ត្រី លោក Wang Wentao បានទទួលយកការអញ្ជើញនេះ ដូច្នេះក្រុមរបស់យើងនឹងចូលរួមក្រោមការពិភាក្សាត្រួតពិនិត្យការនាំចេញដែលត្រូវធ្វើឱ្យប្រសើរ បន្ទាប់ពីកិច្ចប្រជុំកំពូលចិន-អឺរ៉ុប ខែកក្កដា»។ លោកបាននិយាយថា ស្ថានភាពបែបនេះ បានដាក់ស្រមោលលើទំនាក់ទំនងសហភាពអឺរ៉ុប និងចិន។

លោក Sefcovic ក៏បាននិយាយផងដែរថា លោកកំពុងទាក់ទងជាមួយអាជ្ញាធរប្រទេសហូឡង់ និងចិន ចំពោះក្រុមហ៊ុន Nexperia BV ជាក្រុមហ៊ុនផលិតបន្ទះឈីបកុំព្យូទ័ររបស់ប្រទេសហូឡង់ដែលរដ្ឋាភិបាលហូឡង់ បានចូលគ្រប់គ្រងកាលពីខែមុន ហើយត្រូវបានធានាដោយបំណងរបស់ភាគីទាំងពីរក្នុងការបន្ថយភាពតានតឹង។