ឯកឧត្តម ឈាង វុន ប្រធានគណៈកម្មការ សេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា និង​ជា​ប្រធានកុមសភាកម្ពុជានិយាយភាសាបារាំង ឯកឧត្តម អ៊ុ សារឹទ្ធ ប្រធានគណៈកម្មការទី៩ ព្រឹទ្ធសភា និងលោកជំទាវ មុំ សណ្តាប់ សមាជិកាគណៈកម្មការទី៦ ព្រឹទ្ធសភា នារ​សៀល​ថ្ងៃ​ទី​២៣ ខែតុលា ឆ្នាំ២០២៥ នៅសាធារណរដ្ឋប្រជាធិបតេយ្យប្រជាមានិតឡាវ បាន​បន្ត​អញ្ជើញ​ចូល​រួម​សិក្ខាសា​លាស្តីពី ការចូលរួមរបស់ប្រជាពលរដ្ឋ និងសភាបើកចំហ​សម្រាប់​អភិបាល​កិច្ច​ប្រកប​ដោយ​បរិយាបន្ន និងឆ្លើយតប។ សមាជិក សមាជិកាសភា បានពិភាក្សាលើប្រធានបទស្តីពី ការ​គាំទ្រ ការអភិវឌ្ឍ មុខងារបំពេញបន្ថែមរបស់សមាជិកសភា និងប្រជាពលរដ្ឋ បានសេចក្តីថា សភា​នីមួយៗធ្វើការជិតស្និទ្ធជាមួយរដ្ឋាភិបាល និងអង្គការពាក់ព័ន្ធ ក្នុង​គោល​បំណង​ធ្វើ​សេចក្តី​សម្រេច​ដែល​មានសារៈសំខាន់ជាច្រើន ដោយសម្របយ៉ាងឆាប់រហ័សទៅនឹងបច្ចុប្បន្នភាព ដើម្បី​រួម​ចំណែក​ដល់ការអភិវឌ្ឍសង្គមសេដ្ឋកិច្ច និងការ​ឆ្លើយ​តប​យ៉ាង​ជាក់​លាក់​ទៅ​នឹង​សេចក្តី​ត្រូវ​ការ​របស់​ប្រជា​ពលរដ្ឋ ដូចជា ករណីជំងឺកូវីដ-១៩ និងកម្មវិធីគាំទ្រការងើប​ឡើង​វិញ​សេដ្ឋកិច្ច​ជាមួយ​នឹង​ធនធាន​។ លើសពីនេះ សភា ក៏បានលើកកម្ពស់នូវការអនុវត្តវិទ្យាសាស្រ្ត ព័ត៌មានវិទ្យា នវា​នុវត្តន៍ និងបានពង្រឹងការប្រើប្រាស់បញ្ញាសិប្បនិម្មិត អភិវឌ្ឍហេដ្ឋារចនាសម្ព័ន្ធឌីជីថល និង​ថ្នាល​ឌីជីថល​ឯកទេស ដោយពង្រីកការតភ្ជាប់រវាង សកម្មភាពសភា និងការចូលរួម​របស់​ប្រជា​ពលរដ្ឋ​៕