ប្រធានាធិបតីអ៊ុយក្រែន លោក Volodymyr Zelenskyy និយាយថា លោកត្រៀមខ្លួនរួចជាស្រេចសម្រាប់កិច្ចចរចាសន្តិភាព ដើម្បីបញ្ចប់សង្រ្គាមនៅអ៊ុយក្រែនគ្រប់ទីកន្លែង លើកលែងតែនៅក្នុងប្រទេសរុស្ស៊ី ឬបេឡារុស។

លោក Zelenskyy បាននិយាយថា លោកនឹងមិនដកកងទ័ពអ៊ុយក្រែនចេញពីទឹកដីបន្ថែម ជាមុន ដូចដែលទីក្រុងមូស្គូបានទាមទារនោះទេ។ 

លោកបាននិយាយថា វាច្បាស់ណាស់ថាពួកលោកកំពុងខិតទៅរកការទូតតែពីទីតាំងដែលពួកលោកឈរនាពេលបច្ចុប្បន្នប៉ុណ្ណោះ ។ពួកលោក នឹងមិនដកថយណាមួយ ហើយចាកចេញពីផ្នែកមួយនៃរដ្ឋរបស់ពួកលោកឡើយ។ 

លោក Donald Trump បានព្រមានលោក Vladimir Putin ថា សហរដ្ឋអាមេរិកមាននាវាមុជទឹកនុយក្លេអ៊ែរ ខណៈលោកបានថ្កោលទោសការសាកល្បងមីស៊ីលតម្រង់គោលដៅមានសមត្ថភាពបំពាក់ក្បាលគ្រាប់នុយក្លេអ៊ែរ របស់រុស្ស៊ីថា មិនសមរម្យ ហើយគួរតែបញ្ចប់សង្គ្រាម។  

លោក Putin បាននិយាយថា រុស្ស៊ីបានសាកល្បងដោយជោគជ័យនូវមីស៊ីលតម្រង់គោលដៅ Burevestnik របស់ខ្លួន ជាអាវុធដែលទីក្រុងមូស្គូនិយាយថា អាចទម្លុះខែលការពារណាមួយបាន ក្នុងសកម្មភាពដែលបានធ្វើឱ្យទីក្រុងវ៉ាស៊ីនតោនខឹងសម្បារ។ទីក្រុងមូស្គូបាននិយាយថា មីស៊ីល នេះបានហោះហើរក្នុងចម្ងាយ១៤.០០០ គីឡូម៉ែត្រ៕