កងកម្លាំងយោធាអ៊ុយក្រែន បាននិងកំពុងវាយប្រហារលើរោងចក្រផលិតថាមពលចូលជ្រៅទៅក្នុងប្រទេសរុស្ស៊ី។

ប្រធានាធិបតី លោក Volodymyr Zelenskyy និយាយថា ការវាយប្រហារកំពុងធ្វើឲ្យប៉ះពាល់យ៉ាងធ្ងន់ធ្ងរ។ ប្រព័ន្ធផ្សព្វផ្សាយក្នុងស្រុកបានដកស្រង់សម្តីលោក Zelenskyy ដែលបាននិយាយថា សមត្ថភាពចម្រាញ់ប្រេងរបស់រុស្ស៊ីអាចនឹងធ្លាក់ចុះ «ច្រើនជាង២០ភាគរយ» ហើយប្រេងឥន្ធនៈ អាចធ្លាក់ចុះ «ប្រហែល២២ ទៅ២៧ ភាគរយ»។

លោកបានសន្យាថានឹង «ធ្វើឱ្យមូលដ្ឋានសេដ្ឋកិច្ចរបស់រុស្ស៊ីចុះខ្សោយបន្ថែមទៀត» ដោយការរៃអង្គាសមូលនិធិ និងអភិវឌ្ឍឃ្លាំងអាវុធយោធារបស់អ៊ុយក្រែន។ លោកក៏បាននិយាយផងដែរថា ឧស្សាហកម្មថាមពលរបស់រុស្ស៊ីបម្រើជាប្រភពនៃ «ប្រាក់ចំណូលសម្រាប់ធ្វើសង្រ្គាម»។

រដ្ឋមន្ត្រីក្រុមប្រឹក្សាសន្តិសុខរុស្ស៊ី លោក Sergei Shoigu បានសារភាពថា ការវាយប្រហារបានបង្កការខូចខាតច្រើន។ ទោះជាយ៉ាងណា លោកបាននិយាយថា ការជួសជុលកំពុងត្រូវបានធ្វើឡើងយ៉ាងឆាប់រហ័ស ហើយស្ថានភាពមិនធ្ងន់ធ្ងរនោះទេ ខណៈក្រុមហ៊ុនប្រេងនិងឧស្ម័នកំពុងចាត់វិធានការការពាររោងចក្ររបស់ខ្លួន។