ឯកសាររបស់តុលាការ នៅថ្ងៃពុធ (ទី២៩ ខែតុលា) នេះ បានបង្ហាញថា អតីតប្រធានាធិបតីហ្វីលីពីន លោក Rodrigo Duterte បានប្តឹងឧទ្ធរណ៍ជំទាស់នឹងសេចក្ដីសម្រេចយុត្តាធិការ កាលពីសប្តាហ៍មុន ដោយតុលាការព្រហ្មទណ្ឌអន្តរជាតិ (ICC) ដើម្បីបន្តសំណុំរឿងប្រឆាំងនឹងរូបលោក និងកំពុងស្វែងរកឲ្យមានការដោះលែងរូបលោក។

កាលពីសប្តាហ៍មុន ចៅក្រម ICC បានសម្រេចថា តុលាការមានយុត្តាធិការលើសំណុំរឿងរបស់លោក Duterte បើទោះបីជាក្រុមរបស់លោក តវ៉ាថា តុលាការមិនបានបើកការស៊ើបអង្កេតពេញលេញលើការចោទប្រកាន់ ជុំវិញឧក្រិដ្ឋកម្ម នៅក្នុងប្រទេសហ្វីលីពីន រហូតដល់ប្រទេសនេះបានដកខ្លួនចេញពី ICC ក្នុងឆ្នាំ២០១៩។

លោក Duterte ដែលជាប្រធានាធិបតីពីឆ្នាំ២០១៦ ដល់ឆ្នាំ២០២២ ត្រូវបានចាប់ និងនាំខ្លួនទៅកាន់ទីក្រុងឡាអេ ប្រទេសហូឡង់ កាលពីខែមីនា តាមដីកាចាប់ខ្លួនដែលចោទប្រកាន់រូបលោកថា បានប្រព្រឹត្តអំពើឃាតកម្ម ក្នុងអំឡុងសង្គ្រាមរបស់លោក ប្រឆាំងនឹងគ្រឿងញៀន នៅប្រទេសហ្វីលីពីន។ ក្នុងអំឡុងពេលយុទ្ធនាការនោះ អ្នកជួញដូរ និងអ្នកប្រើប្រាស់គ្រឿងញៀនរាប់ពាន់នាក់ ត្រូវបានសម្លាប់។ លោក Duterte និងមេធាវីរបស់លោក អះអាងថា ការចាប់ខ្លួនលោក គឺខុសច្បាប់។

នៅក្នុងសេចក្តីជូនដំណឹង អំពីការប្តឹងឧទ្ធរណ៍របស់ពួកគេ ក្រុមមេធាវីរបស់លោក Duterte បានស្នើឲ្យតុលាការច្រានចោលសេចក្ដីសម្រេចរបស់ក្រុមចៅក្រមជាន់ទាប ក្នុងការបន្តសំណុំរឿងនេះ ហើយយល់ថា វាមិនមានមូលដ្ឋានច្បាប់ ក្នុងការធ្វើដូច្នេះទេ។ ពួកគេក៏ចង់ឲ្យតុលាការដោះលែងលោក