ក្រសួងពាណិជ្ជកម្មចិននិយាយនៅថ្ងៃព្រហស្បតិ៍នេះថា ពួកគេចង់ធ្វើការជាមួយសហរដ្ឋអាមេរិក ដើម្បីអនុវត្តកិច្ចព្រមព្រៀងឲ្យមានប្រសិទ្ធិភាព ដោយហេតុត្រូវធ្វើឲ្យមានស្ថិរភាព និងធ្វើឲ្យមានភាពច្បាស់លាស់អស្ចារ្យជាងមុនចំពោះកិច្ចសហប្រតិបត្តិការសេដ្ឋកិច្ច និងពាណិជ្ជកម្មចិន-សហរដ្ឋអាមេរិក ហើយនិងសេដ្ឋកិច្ចសកលលោក ។

 សេចក្តីអត្ថាធិប្បាយរបស់អ្នកស្រី He Yongqian គឺជាអ្នកនាំពាក្យក្រសួងពាណិជ្ជកម្មចិន បានកើតមានឡើង ក្រោយសេចក្តីប្រកាសរបស់ក្រសួង បន្ទាប់ពីកិច្ចប្រជុំពាណិជ្ជកម្មរបស់ប្រធានាធិបតីសហរដ្ឋអាមេរិកលោក Donald Trump ជាមួយប្រធានាធិបតីចិនលោក Xi Jinping មុននេះ នៅប្រទេសកូរ៉េខាងត្បូង ។

 សេចក្តីប្រកាសនេះ បន្តនិយាយថា ចិន នឹងសហរដ្ឋអាមេរិក បានឯកភាពបន្តការបញ្ឈប់សង្រ្គាមពាណិជ្ជកម្មបណ្តោះអាសន្នរយៈពេល ១ឆ្នាំទៀត ដែលជាផ្នែកមួយនៃកិច្ចព្រមព្រៀងដែលពួកគេឈានដល់ ក្រោយក្រុមមន្រ្តីសេដ្ឋកិច្ចជាន់ខ្ពស់ ជួបគ្នានៅប្រទេសម៉ាឡេស៊ី កាលពីសប្តាហ៍មុន ។

 ចិនបានឯកភាពផ្អាកការគ្រប់គ្រងការនាំចេញដែលបានប្រកាសនៅក្នុងខែនេះលើរ៉ែកម្រ គឺជាសារធាតុដើរតួដ៏ចាំបាច់ក្នុងការផលិតរថយន្ត យន្តហោះ និងអាវុធដែលបានក្លាយជាប្រភពដ៏មានឥទ្ធិពលបំផុតរបស់ទីក្រុងប៉េកាំង នៅក្នុងសង្រ្គាមពាណិជ្ជកម្មជាមួយសហរដ្ឋអាមេរិក ។

ពេលប្រាប់ក្រុមអ្នកសារព័ត៌មាននៅលើយន្តហោះ AirForce One ភ្លាមៗបន្ទាប់ពីចាកចេញពីទីក្រុង Busanរបស់កូរ៉េខាងត្បូង លោក Trump បាននិយាយថា នេះជាកិច្ចប្រជុំដ៏ល្អ និងជោគជ័យមួយរវាងចិន និងសហរដ្ឋអាមេរិក ហើយពន្ធដែលដាក់លើការនាំចូលរបស់ចិន នឹងត្រូវបន្ថយមកត្រឹម ៤៧ភាគរយ ពីអត្រា ៥៧ភាគរយកាលពីមុន ៕