ប្រធានាធិបតីកូរ៉េខាងត្បូងលោក Lee Jae-myung នៅថ្ងៃសុក្រនេះ បានបើកកិច្ចប្រជុំកំពូលមេដឹកនាំនៃកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (Apec) នៅទីក្រុង Gyeongju ដោយព្រមានថាតំបន់នេះគឺស្ថិតនៅក្នុងចំណុចប្រែប្រួលដ៏ខ្លាំងក្លា ទន្ទឹមនឹងសណ្តាប់ធ្នាប់សេដ្ឋកិច្ចពិភពលោកផ្លាស់ប្តូរយ៉ាងឆាប់រហ័ស។

លោកប្រធានាធិបតី Xi Jinping និងរដ្ឋមន្ត្រីក្រសួងរតនាគារអាមេរិក លោក Scott Bessent បានចូលរួមកិច្ចប្រជុំកំពូលប្រចាំឆ្នាំនៃក្រុមប្រទេសនេះ ។

តំបន់ Apec មានចំនួន៥០ ភាគរយនៃពាណិជ្ជកម្មពិភពលោក និង ៦១ ភាគរយនៃផលិតផលក្នុងស្រុកសរុប ហើយកិច្ចប្រជុំនៅឆ្នាំនេះបន្ទាប់ពីជំនួបកម្រិតខ្ពស់របស់លោក Xi ជាមួយប្រធានាធិបតីអាមេរិក Donald Trump ដើម្បីស្វែងរកការផ្អាកសង្គ្រាមពាណិជ្ជកម្មនៅខាងក្រៅការប្រមូលផ្ដុំមេដឹកនាំ នៅក្នុងប្រទេសកូរ៉េខាងត្បូង។

លោក Lee បាននិយាយថា វាច្បាស់ណាស់ថា ត្បិតតែមិនអាចតែងតែនៅទីតាំងដូចគ្នាមែន ប៉ុន្តែពួកលោកត្រូវតែធ្វើការជាមួយគ្នាដើម្បីសម្រេចបាននូវវិបុលភាពរួម ។

លោក Lee បានបន្ថែមថា ខណៈសណ្ដាប់ធ្នាប់ពាណិជ្ជកម្មសេរីស្ថិតក្រោមការផ្លាស់ប្តូរយ៉ាងខ្លាំង ភាពមិនច្បាស់លាស់នៃសេដ្ឋកិច្ចពិភពលោកកាន់តែជ្រៅ ហើយពាណិជ្ជកម្ម និងការវិនិយោគកំពុងបាត់បង់សន្ទុះ ដោយកត់សម្គាល់ថាកិច្ចសហប្រតិបត្តិការក្នុងចំណោមសមាជិក Apec គឺជា ដំណោះស្រាយច្បាស់លាស់ ចំពោះបញ្ហាប្រឈមសេដ្ឋកិច្ចបច្ចុប្បន្ន។

ដោយត្រូវបានបង្កើតឡើងក្នុងឆ្នាំ១៩៨៩ APEC បានក្លាយជាក្បាលម៉ាស៊ីនយ៉ាងស្វាហាប់នៃកំណើនសេដ្ឋកិច្ច និងជាវេទិកាតំបន់ ដ៏សំខាន់បំផុតមួយរបស់អាស៊ីប៉ាស៊ីហ្វិក៕