​សហរដ្ឋអាមេរិក៖ អ្នកនាំពាក្យ​សេត​វិមាន​លោកស្រី Jen Psaki និយាយ​ថា រដ្ឋបាល​ប្រធានាធិបតី​សហរដ្ឋអាមេរិកលោក Joe Biden កំពុង​ឃ្លាំមើល​ការ​តវ៉ា​នៅ​ព្រំដែន​សហរដ្ឋអាមេរិក​-​កាណាដា ដែល​ដឹកនាំ​ដោយក្រុម​អ្នកបើកបរ​រថយន្ត​ដឹកទំនិញដែល​មិន​សប្បាយចិត្ត​ចំពោះ​កាតព្វកិច្ច​វ៉ាក់សាំង និង​វិធានការ​រឹតបន្តឹង​ផ្សេងទៀត​នៃ​វីរុស COVID-19។

​លោកស្រី Psaki និយាយ​ថា ការ​តវ៉ា​នេះ​បង្ក​ហានិភ័យ​ដល់​ខ្សែសង្វាក់​ផ្គត់ផ្គង់​របស់​សហរដ្ឋ​អាមេរិក និង​បុគ្គលិក​ទាំង​នៅ​សហរដ្ឋអាមេរិក និង​ប្រទេស​កាណាដា ហើយ​សេត​វិមាន​កំពុងធ្វើការ​ជាមួយមន្ត្រី​របស់​ប្រទេស​កាណាដា ក្នុង​ការ​ចាត់​វិធានកា​រ​សកម្មមុន​មួយ​ចំនួន​ជុំវិញ​ការធ្វើ​បាតុកម្ម​នេះ​។ ​ការបិទផ្លូវ​ធ្វើឡើង​ដោយ​មនុស្ស​ភាគច្រើន​នៅក្នុង​រថយន្ត​ដឹកទំនិញ​ បាន​ចូលដល់​ថ្ងៃទី​បី​ហើយនៅលើ​ស្ពាន Ambassador Bridge រវាង​ទីក្រុង Detroit និង Windsor រដ្ឋ Ontario​។ ចរាចរណ៍​ត្រូវបាន​រារាំង​មិនឱ្យ​ចូល​ប្រទេស​កាណាដា​បាន ខណៈ​ចរាចរណ៍​ជាប់​ព្រំដែន​សហរដ្ឋអាមេរិក​មួយចំនួន​នៅតែមាន​ដំណើរការ​។​

​ស្ពាន​នេះ​ដំណើរ ២៥​% នៃ​ពាណិជ្ជកម្ម​ទាំងអស់​រវាង​ប្រទេស​កាណាដា និង​សហរដ្ឋអាមេរិក ហើយសមាជិកសភា​ប្រទេស​កាណាដាបានបង្ហាញ​ការព្រួយបារម្ភ​កាន់តែខ្លាំង​ឡើង អំពី​ផលប៉ះពាល់សេដ្ឋកិច្ច​។ លោកស្រី Psaki និយាយថា ​ខណៈ​សេត​វិមាន​គាំទ្រ​ការតវ៉ា​ដោយ​សន្តិវិធី វា​មាន​សារៈសំខាន់​សម្រាប់​មនុស្ស​គ្រប់គ្នា​នៅក្នុង​ប្រទេស​កាណាដា និង​សហរដ្ឋអាមេរិក ដើម្បី​យល់​ពី​ផល​ប៉ះពាល់​នៃ​ការបិទផ្លូវ​នេះគឺជា​ផលប៉ះពាល់​ដែល​អាច​កើតមាន​លើ​បុគ្គលិក និង​ខ្សែសង្វាក់​ផ្គត់ផ្គង់៕

អត្ថបទ៖ ប៊ុនថន