ប្រធានាធិបតីចិនលោក Xi Jinping និងនាយករដ្ឋមន្រ្តីជប៉ុនលោកស្រី Sanae Takaichi និយាយថា ពួកគេចង់បង្កើតទំនាក់ទំនងប្រកបដោយលក្ខណៈស្ថាបនា និងមានស្ថិរភាពរវាងប្រទេសទាំង ២ នៅក្នុងជំនួបលើកដំបូងរបស់ពួកគេនាថ្ងៃសុក្រនេះ ។

ពេលចាប់ផ្តើមជំនួបនៅក្រៅកិច្ចប្រជុំកំពូល APEC រយៈពេល ២ថ្ងៃនៅកូរ៉េខាងត្បូង លោកស្រី Takaichi និយាយថា ជប៉ុន និងចិន ចែករំលែកទំនួលខុសត្រូវចាំបាច់ចំពោះសន្តិភាព និងវិបុលភាពនៅក្នុងតំបន់ និងក្នុងសហគមន៍អន្តរជាតិ ។

សារព័ត៌មានរដ្ឋចិន រាយការណ៍ថា លោក Xiនិយាយថា លោកត្រៀមខ្លួនរួចរាល់ ក្នុងការរក្សាទំនាក់ទំនងជាមួយលោកស្រី Takaichi ដើម្បីពន្លឿនរួមគ្នាទំនាក់ទំនកងចិន-ជប៉ុន ឲ្យដើរលើផ្លូវត្រូវ ។

លោកស្រី Takaichi ដែលជាអ្នកអភិរក្សនិយមតឹងក្លាយជានាយករដ្ឋមន្រ្តីស្រ្តីលើកដំបូងរបស់ជប៉ុនកាលពីសប្តាហ៍មុននោះ លើកឡើងក្តីបារម្ភថា ទំនាក់ទំនងរបស់ទីក្រុងតូក្យូជាមួយទីក្រុងប៉េកាំង អាចនឹងកាន់តែយ៉ាប់យ៉ឺនទៅ ។ 

លោកស្រីកំពុងពន្លឿនការបង្កើតការពារជាតិដ៏ធំបំផុតរបស់ជប៉ុន ចាប់តាំងពីសង្រ្គាមលោកលើកទី ២ ដើម្បីរារាំងចិនពីការប្រើប្រាស់កម្លាំងបន្តមហិច្ឆតាទឹកដីរបស់ខ្លួននៅតំបន់អាស៊ីបូព៌ា ។

មុនពេលក្លាយជានាយករដ្ឋមន្រ្តីជប៉ុន លោកស្រី Takaichi គឺជាភ្ញៀវធម្មតាទៅលេងទីសក្ការបូជាសង្រ្គាម Yasukuni ស្ថិតក្នុងទីក្រុងតូក្យូ ដែលចិនចាត់ទុថា ជានិមិត្តរូបនៃយោធានិយមកាលពីមុនរបស់ជប៉ុន ៕