ភ្នំពេញ៖ ក្នុងជំនួបពិភាក្សាជាមួយក្រុមប្រឹក្សាផ្ដល់យោបល់របស់ JICA នាថ្ងៃទី១០ ខែកុម្ភៈ ឆ្នាំ២០២២ ឯកឧត្ដម ហេង រតនា អគ្គនាយកមជ្ឈមណ្ឌលសកម្មភាពកំចាត់មីនកម្ពុជា បានលើកឡើងថា កម្ពុជាចង់បានអ គារសារមន្ទីររាងគ្រាប់មីនធំជាងគេលើពិភពលោក។ ការចង់បានអគារបែបនេះ គឺមិនមែនសម្រាប់ធ្វើឱ្យផ្ទុះស្លាប់មនុស្សនោះទេ តែសម្រាប់បង្ហាញពិភពលោកថា សម្តេចតេជោ ហ៊ុន សែន មគ្គុទេសក៍ឯកសន្តិភាពបានដឹកនាំកម្ពុជាពីប្រទេសមានគ្រាប់មីនប្រឆាំងមនុស្សច្រើនជាងគេលើលោក មកជាប្រទេ សគ្មានគ្រាប់មីនប្រឆាំងមនុស្សទៀតឡើយនៅចុងឆ្នាំ២០២៥ និងបន្សល់ទុកតែអគាររាងគ្រាប់មីនធំបំ ផុត ដើម្បីយុវជនជំនាន់ក្រោយៗទៀត ស្វែងយល់រៀនសូត្រអំពីមរតកសង្គ្រាម និងអត្ថន័យនៃសន្តិភាពពេញលេញនៅកម្ពុជា។ នេះបើតាមសំណេររបស់ឯកឧត្ដម ហេង រតនា ដែលបានផ្សព្វផ្សាយនៅក្នុង ហ្វេសប៊ុកផ្ទាល់របស់ឯកឧត្ដមនៅថ្ងៃទី១០ ខែកុម្ភៈ ឆ្នាំ២០២២។

សំណេររបស់ឯកឧត្ដមបែបនេះ ត្រូវបានធ្វើឡើងនៅបន្ទាប់ពីជំនួបពិភាក្សាជាមួយក្រុមប្រឹក្សាផ្ដល់យោ បល់ជប៉ុនរបស់ JICA ដើម្បីសិក្សាស្រាវជ្រាវវាយតម្លៃលើតម្រូវការ និងរូបរាងអគារផេ្សងៗដែលត្រូវសា ងសង់ទាំងនៅខេត្តកំពង់ឆ្នាំង និងសៀមរាប។

ប្រភពដដែលបន្តថា ដើម្បីកុំឱ្យក្រុមវិស្វករជប៉ុនពិបាកយល់ពីទ្រង់ទ្រាយសំណង់ គឺមានតែយកគ្រាប់មី នមែនទែនមកបង្ហាញតែម្ដង។ ឯកឧត្តមបន្ថែមថា មុនដំបូងក្រុមវិស្វករជប៉ុនប្រុងរត់ដែរ តែឯកឧត្ដមបា នពន្យល់ថា គ្រាប់មីននេះដោះបន្សាបរួចហើយ និងសម្រាប់ទុកឱ្យហ្វឹកហ្វឺនប៉ុណ្ណោះ ទើបពួកគាត់ព្រមអង្គុយពិភាក្សាគ្នាជាធម្មតាវិញ៕ដោយ៖ គង់ ឌិន