សហរដ្ឋអាមេរិក៖ ​លោក​ប្រធានាធិបតី​អាមេរិក Joe Biden បានចេញ​ការព្រមាន​មួយ​កាលពី​ថ្ងៃ​ព្រហស្បតិ៍ ផ្ញើជូន​ដល់​ពលរដ្ឋ​អាមេរិក​ទាំង​ឡាយដែល​នៅតែ​កំពុងស្នាក់នៅ​ក្នុងប្រទេស​អ៊ុយ​ក្រែ​នថា ​គួរតែ​ចាកចេញ​នៅពេលនេះ​ភ្លាម ខណៈ​រុស្ស៊ី​នៅតែ​បន្ត​គំរាមកំហែង​ឈ្លានពាន​។ ​ថ្លែង​នៅក្នុង​បទសម្ភាសន៍ជាមួយ​ពិធីករ Lester Holt របស់​ទូរទស្សន៍ NBC News លោក Biden បាន​និយាយថា ពលរដ្ឋ​អាមេរិក​គួរតែចាកចេញ​នៅពេលនេះ​។​

​លោក​ប្រធានាធិបតី​អាមេរិក​រូបនេះក៏បាន​និយាយ​ផងដែរ​កាលពី​ថ្ងៃ​ព្រហស្បតិ៍​ថា លោក​នឹង​មិនបញ្ជូន​កងទ័ព​អាមេរិក​ចូលទៅ​អ៊ុយ​ក្រែ​ន​ដើម្បី​​ជម្លៀស​ពលរដ្ឋ​របស់លោក​នោះទេ បើ​រុស្ស៊ី​ឈ្លានពាន​អ៊ុយ​ក្រែ​ន​មែន​នោះ​ ​ដោយ​និយាយថា ​សកម្មភាព​នេះអាច​បង្ក​ឲ្យ​មាន​សង្គ្រាមត្រជាក់ ហើយ​បញ្ហា​នានា​អាច​នឹង​ផ្ទុះឡើង​យ៉ាង​ឆាប់រហ័ស​។ ​ពី​ធី​ករ​លោក Holt បាន​សួរ​ទៅ​លោក Biden ថា តើ​មាន​សេណារីយោ​អ្វី​ទើប​អាច​ឲ្យ​លោក​បញ្ជូន​កងទ័ព​ទៅ​ជួយ​ជនជាតិ​អាមេរិក​ជម្លៀស​ចេញពី​អ៊ុយ​ក្រែ​ន ​លោក Biden បាន​ឆ្លើយថា គ្មានទេ​។ នោះ​ជា​សង្គ្រាមលោក​នៅពេលដែល​ជនជាតិ​អាមេរិក និង​រុស្ស៊ី​ចាប់ផ្ដើម​បាញ់​គ្នា​។​ ​លោក​បាន​បន្ថែមថា វា​មិន​ដូចជា​យើង​ទប់ទល់​ជាមួយ​អង្គការ​ភេរវ​ករ​នោះទេ​។ យើង​កំពុង​ដោះស្រាយ​ជាមួយ​សត្រូវ​ដ៏​ធំ​បំផុត​មួយ ​ក្នុងចំណោម​សត្រូវ​ជាច្រើន​ក្នុង​ពិភពលោក​។ ស្ថានភាព​ខុសគ្នា ហើយ​រឿង​អាក្រក់​ជាច្រើន​អាច​កើតឡើង​ភ្លាមៗ​៕

អត្ថបទ៖ សុខមាន