អនុប្រធានក្រុមប្រឹក្សាសន្តិសុខរុស្ស៊ី លោក Dmitry Medvedev បានសរសេរនៅលើប៉ុស្តិ៍ Telegram របស់ខ្លួនថា លោកខាងលិចចំណាយកាន់តែច្រើនលើអ៊ុយក្រែន រុស្ស៊ីនឹងដណ្តើមយកទឹកដីមកវិញកាន់តែច្រើន ហើយរឿងកាន់តែអាក្រក់ នឹងត្រូវបញ្ចប់សម្រាប់របបក្រុងគីវ។  

អ្នកនយោបាយរុស្ស៊ីរូបនេះ បានហៅមន្ត្រីអ៊ុយក្រែនដែលបានខ្ជះខ្ជាយថវិការាប់ពាន់លានដុល្លាររបស់លោកខាងលិច ក្នុងរយៈពេលប៉ុន្មានឆ្នាំចុងក្រោយនេះថា «ក្រុមអ្នកកំប្លែងរបស់ទីក្រុងគីវដែលចូលចិត្តបង្ហូរ ឈាម»។

លោក Medvedev បានបញ្ជាក់ថា៖«ប្រាក់កាន់តែច្រើនដែលពិភពលោកខាងលិចចំណាយ ដើម្បីគាំទ្រ [ពួកគេ] លទ្ធផលកាន់តែអាក្រក់សម្រាប់របបរបស់ក្រុមអ្នកកំប្លែងរបស់ទីក្រុវគីវ ដែលចូលចិត្តបង្ហូរឈាម ហើយនៅទីបំផុត ដីកាន់តែច្រើន នឹងត្រឡប់ទៅរុស្ស៊ីវិញ»៕