អាល្លឺម៉ង់៖ ប្រទេសរុស្ស៊ី និងអ៊ុយក្រែនបាននិយាយថា ពួកគេបានបរាជ័យក្នុងការទម្លាយភាពជាប់គាំង នៅក្នុងការចរចារយៈពេល ១ថ្ងៃជាមួយក្រុមមន្ត្រីបារាំង និងអាល្លឺម៉ង់ឆ្ពោះទៅបញ្ចប់ការវាយប្រយុទ្ធគ្នា របស់ក្រុមបំបែកខ្លួនរយៈពេល ៨ឆ្នាំនៅក្នុងប្រទេសអ៊ុយក្រែន។ កង្វះភាពរីកចម្រើននេះបាននាំឲ្យកិច្ចខិតខំប្រែងដើរថយក្រោយ ក្នុងការបន្ធូរបន្ថយគ្រោះមហន្តរាយនៅអ៊ុយក្រែន ជាទីដែលរុស្ស៊ីបានប្រមូលផ្ដុំកងទ័ពជាង ១០ម៉ឺននាក់ជិតព្រំដែនអ៊ុយក្រែន ដែលបង្កក្ដីបារម្ភកាន់តែខ្លាំងពីការលុកលុយពីសំណាក់រុស្ស៊ី។
ប្រសិតពិសេសរបស់រុស្ស៊ីលោក Dmitry Kozak បានបញ្ជាក់នៅក្នុងសន្នីសីទសារព័ត៌មានកាលពីព្រលប់ថ្ងៃព្រហស្បតិ៍ បន្ទាប់ពីជំនួបពិភាក្សាក្នុងទីក្រុងប៊ែរឡាំងថា វាគ្មានប្រយោជន៍ជាផ្លែផ្កា ឈានទៅរកការផ្សះផ្សារការខ្វែងគំនិតគ្នាទាំងស្រុងវាងរុស្ស៊ី និងអ៊ុយក្រែននៃដំណោះស្រាយឆ្នាំ២០១៥ ក្នុងការឈានទៅរកការបញ្ចប់សង្គ្រាមរវាងក្រុមបំបែកខ្លួនគាំទ្ររុស្ស៊ី និងកងកម្លាំងអាជ្ញាធររបស់អ៊ុយក្រែន។ ចំណែកប្រេសិតពិសេសអ៊ុយក្រែនលោក Andriy Yermak បាននិយាយថា ជំនួបនេះពុំបានទម្លាយភាពជាប់គាំងណាមួយឡើយ ទោះបីជាភាគីទាំងសងខាងបានយល់ព្រមបន្តការជជែកពិភាក្សាគ្នាបន្ថែមទៀតក៏ដោយ។
ចំណែកលោក Sergey Lavrov រដ្ឋមន្ត្រីការបរទេសរុស្ស៊ីបានចោទប្រកាន់សមាភាគីអង់គ្លេសរបស់លោកគឺលោកស្រី Liz Truss បន្ទាប់ពីការពិភាក្សានៅក្នុងទីក្រុងមូស្គូស្ដីពីវិបត្តិអ៊ុយក្រែន។ ថ្លែងប្រាប់អ្នកសារព័ត៌មានក្បែរសមភាគីអង់គ្លេសកាលពីថ្ងៃព្រហស្បតិ៍ លោក Lavrov បានលើកឡើងថា លោកពិតជាខកចិត្តណាស់ ចំពោះអ្វីដែលយើងកំពុងតែជជែកពិភាក្សានៅពេលនេះរវាងមនុស្ស-គ-ថ្លង់ ការពន្យល់លម្អិតបំផុតរបស់យើងបែរជាធ្លាក់ទៅលើទីតាំងដែលមិនបានត្រៀមទុក៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
