ប្រធានាធិបតីប៉េរូ លោក Jose Jeri បានប្រកាសថា ក្រសួងការបរទេសប៉េរូ បានជូនដំណឹងដល់ភារធារីម៉ិកស៊ិក នៅទីក្រុងលីម៉ា លោកស្រី Karla Ornelas អំពីតម្រូវការក្នុងការចាកចេញពីប្រទេសនេះ ឲ្យបានឆាប់តាមដែលអាចធ្វើទៅបាន ដោយសារតែការកាត់ផ្តាច់ទំនាក់ទំនងការទូតរវាងប្រទេសទាំងពីរ។

លោក Jose Jeri បានសរសេរនៅលើបណ្តាញសង្គម Xថា៖«យើងរំពឹងថា នឹងមានការគោរពចំពោះមាតុភូមិរបស់យើង។ ដោយសារតែការកាត់ផ្តាច់ទំនាក់ទំនងការទូតនេះ លោកស្រី Karla Ornelas ភារធារីនៃស្ថានទូតម៉ិកស៊ិកប្រចាំប្រទេសប៉េរូ ត្រូវបានជូនដំណឹងនៅថ្ងៃនេះ ដោយរដ្ឋមន្ត្រីការបរទេសថា លោកស្រី ត្រូវតែចាកចេញពីប្រទេសនេះ ឲ្យបានឆាប់តាមដែលអាចធ្វើទៅបាន»។  

នាពេលមុននេះ រដ្ឋមន្ត្រីការបរទេសប៉េរូ លោក Hugo de Zela បានប្រកាសពីការកាត់ផ្តាច់ទំនាក់ទំនងការទូតជាមួយម៉ិកស៊ិក ដោយសារតែអតីតនាយករដ្ឋមន្ត្រីលោកស្រី Betsy Chavez ដែលត្រូវបានចោទប្រកាន់ពីបទរៀបចំរដ្ឋប្រហារ កំពុងជ្រកកោននៅក្នុងស្ថានទូតម៉ិកស៊ិក នៅទីក្រុងលីម៉ា៕