ក្រុមអាជ្ញាធរនិយាយថា មនុស្សយ៉ាងហោច ៥២នាក់ ត្រូវបានសម្លាប់ និងមនុស្សរាប់ម៉ឺននាក់ផ្សេងទៀត បានរត់ភៀសខ្លួនចេញពីផ្ទះសម្បែងរបស់ពួកគេ ពេលដែលព្យុះទីហ្វុងស្ថិតក្នុងចំណោមព្យុះដ៏ខ្លាំងក្លាបំផុតក្នុងឆ្នាំនេះ បានបោកបក់ឆ្លងកាត់តំបន់ភាគកណ្តាលហ្វីលីពីន ។

 ព្យុះទីហ្វុង Kalmaegi បង្កការជន់លិចតំបន់ជាច្រើន រួមទាំងទីក្រុងជាច្រើននៅកោះភាគកណ្តាលមានមនុស្សរស់នៅច្រើនបំផុត Cebu ជាទីដែលគ្រោះថ្នាក់ដល់អាយុជីវិតមនុស្សបានកើតឡើង ។ មនុស្ស ១៥នាក់ផ្សេងទៀត កំពុងបាត់ខ្លួន ។

 រូបភាពវីដេអូឃ្លីបឃើញប្រជាពលរដ្ឋជ្រកលើដំបូលផ្ទះ ខណៈរថយន្ត និងទូកុងតឺន័រ ត្រូវបានទឹកហូរនាំយកទៅកាត់ផ្លូវ ។

 ចំនួនមនុស្សស្លាប់ផ្លូវការ រួមទាំងសមាជិកយានិក ៦នាក់នៅលើឧទ្ធម្ភាគចក្រយោធាដែលបានធ្លាក់នៅលើកោះ Mindanao ស្ថិតនៅភាគខាងត្បូងកោះ Cebu ក្រោយត្រូវដាក់ពង្រាយទៅជួយកិច្ចខិតខំជួយសង្រ្គោះ ។

 ឧទ្ធម្ភាគចក្រមួយគ្រឿងនេះ បានធ្លាក់កាលពីថ្ងៃអង្គារ នៅជិតទីក្រុង Agusan del Sur និងស្ថិតក្នុងចំណោមឧទ្ធម្ភាគចក្រ ៤គ្រឿង ដែលត្រូវបានបញ្ជូនទៅឲ្យជួយសង្រ្គោះ ។

 ព្យុះទីហ្វុង Kalmaegi ដែលក្នុងស្រុកគេស្គាល់ថាជាព្យុះ Tino បានថមថយកម្លាំងរបស់វាវិញ ចាប់តាំងពីបោកបក់ដល់ដីគោកកាលពីព្រឹកថ្ងៃអង្គារ ប៉ុន្តែវាបន្តមានខ្យល់បក់ល្បឿន ១៣០គ.ម ក្នុង ១ម៉ោង ។

 គេព្យាករថា ព្យុះនេះ នឹងបោកបក់ឆ្លងកាត់តំបន់កោះ Visayas និងបោកបក់ចេញពីសមុទ្រចិនខាងត្បូង នៅថ្ងៃពុធនេះ ៕