ប្រជាពលរដ្ឋរស់នៅតំបន់ភាគខាងជើងអាហ្វហ្គានីស្ថាន នាំគ្នាបោសសម្អាតកម្ទេចកម្ទេច និងព្យាបាលរបួសរបស់ពួកគេ ក្រោយគ្រោះរញ្ជួយដីដ៏ខ្លាំងក្លាកម្រិត ៦,៣រ៉ិចទ័រ បណ្តាលឲ្យមនុស្សយ៉ាងហោច ២៧នាក់ ស្លាប់ និងបំផ្លិចបំផ្លាញផ្ទះសម្បែងរាប់រយខ្នង ។

ក្រុមអាជ្ញាធរ និយាយថា ការរញ្ជួយដីនេះ បានវាយប្រហារតំបន់ជិតទីក្រុងភាគខាងជើង Mazar-i-Sharif កាលពីព្រឹកទាបភ្លឺថ្ងៃចន្ទ បណ្តាលឲ្យមនុស្សជិត ១ពាន់នាក់ រងរបួស និងធ្វើឲ្យខូចខាតព្រះវិហារប្រវត្តិសាស្រ្ត Blue Mosque ។

ចំណុចកណ្តាលនៃការរញ្ជួយដីស្ថិតនៅតំបន់មានមនុស្សរស់នៅច្រើនកុះករ មានន័យថា ចំនួនមនុស្សស្លាប់ មានចំនួនទាបជាងការព្រួយបារម្ភកាលពីដំបូង ។

យោងតាមអាជ្ញាធរគ្រប់គ្រងគ្រោះមហន្តរាជាតិអាហ្វហ្គានីស្ថាន បានឲ្យដឹងថា ផ្ទះសម្បែងរាប់រយខ្នង រងការបំផ្លិចបំផ្លាញទាំងស្រុង ឬដោយអន្លើរ ។

លោក Ramazani គឺជាអ្នករស់រានមួយរូបពីការរញ្ជួយដី និយាយប្រាប់ទីភ្នាក់ងារព័ត៌មានរ៉យទ័រ អំឡុងធ្វើបទសម្ភាសន៍ថា ពេលដែលការរញ្ជួយដីកើតឡើងនៅពេលយប់ទាបភ្លឺ លោកពុំបានដឹងនោះទេ ភ្លាមៗនោះ ភាពរំញ័រក៏បានកើតឡើង ។

លោកបន្តថា នៅពេលពួកយើងចេញក្រៅ វាកាន់តែអង្រួនខ្លាំង ហើយដំបូលផ្ទះ ចាប់ផ្តើមបាក់មកលើដី ។

លោក Ramazani បាត់បង់កូនស្រីម្នាក់នៅក្នុងការរញ្ជួយដីនេះ ហើយកូនស្រីរបស់គាត់ម្នាក់ទៀត ត្រូវបានបញ្ជូនទៅព្យាបាលនៅមន្ទីរពេទ្យ ៕