ប្រធានាធិបតីសហរដ្ឋអាមេរិក លោក Donald Trump កាលពីថ្ងៃព្រហស្បតិ៍ ទី៦ ខែវិច្ឆិកា បានរិះគន់អភិបាលក្រុងញូវយ៉ក លោក Zohran Mamdani ដែលជាប់ឆ្នោតថ្មី ដោយហៅលោកថាកុម្មុយនិស្ត និងចោទសួរពីផលប៉ះពាល់របស់លោកលើផែនការហេដ្ឋារចនាសម្ព័ន្ធរបស់ទីក្រុង។

លោក Trump បាននិយាយថា «ប្រសិនបើលោក Mamdani កុម្មុយនិស្ត អ្នកដឹងទេ វាពុំមានសកម្មភាពច្រើនទេ។ ដូច្នេះអ្នកនឹងមិនត្រូវការស្ពាន និងផ្លូវក្រោមដីឡើយ»។

ការការពារការឆ្មក់បង្ក្រាបរបស់ភ្នាក់ងារអនុវត្តច្បាប់អន្តោប្រវេសន៍និងគយ(ICE) លោក Trump បានសង្កត់ធ្ងន់ទៅលើការយកចិត្តទុកដាក់របស់ខ្លួនលើការបង្ក្រាបឧក្រិដ្ឋជន។ លោកបាននិយាយដោយលើកឡើងពីស្ថិតិឧក្រិដ្ឋកម្មដើម្បីបង្ហាញអំពីភាពត្រឹមត្រូវនៃគោលនយោបាយរបស់លោកថា «ប្រសិនបើពួកគេជាឧក្រិដ្ឋជន យើងចង់កម្ចាត់ពួកគេចេញ»។

លោក Trump ក៏បានលើកឡើងពីភាពប្រសើរឡើងនៅក្នុងទីក្រុង Washington, DC ក្រោមរដ្ឋបាលរបស់លោក ដោយចង្អុលទៅរកការងើបឡើងវិញនៃសេដ្ឋកិច្ច និងសុវត្ថិភាពសាធារណៈ ហើយបានកត់សម្គាល់ពីវឌ្ឍនភាពស្រដៀងគ្នានៅទីក្រុង Memphis ។