ប្រធានាធិបតីសហរដ្ឋអាមេរិកលោក Donald Trump និយាយកាលពីថ្ងៃព្រហស្បតិ៍ថា កងកម្លាំងស្ថិរភាពអន្តរជាតិសម្រាប់តំបន់ Gaza នឹងមកដល់ក្នុងពេលឆាប់ៗនេះ ។

 មន្រ្តីសហរដ្ឋអាមេរិកមួយរូបនិយាយថា សហរដ្ឋអាមេរិក បានចែករំលែកសេចក្តីសម្រេចស្នើច្បាប់លើផែនការសន្តិភាពរបស់លោកប្រធានាធិបតី Donald Trump សម្រាប់តំបន់ហ្កាហ្សា ជាមួយសមាជិកជាប់ឈ្មោះទាំង ១០ របស់ក្រុមប្រឹក្សាសន្តិសុខអង្គការសហប្រជាជាតិកាលពីថ្ងៃពុធកន្លងទៅ ។

 យោងតាមអត្ថបទដែលទទួលបានដោយទីភ្នាក់ងាររ៉យទ័រ បានឲ្យដឹងថា សហរដ្ឋអាមេរិក បានធ្វើសេចក្តីស្នើច្បាប់សេចក្តីសម្រចរបស់ក្រុមប្រឹក្សាសន្តិសុខ UN ដែលនឹងអនុម័តអាណត្តិរយៈពេល ២ឆ្នាំ សម្រាប់ស្ថាប័នគ្រប់គ្រងអន្តរកាល ហើយនិងកងកម្លាំងស្ថិរភាពអន្តរជាតិនៅដែនដីប៉ាឡេស្ទីនមួយនេះ ។

 គេមិនទាន់ដឹងច្បាស់នោះទេថាតើការផ្លាស់ប្តូរណាមួយត្រូវបានបង្កើតឡើងឬអត់ ចំពោះសំណើរច្បាប់ដែលត្រូវបានចែករំលែកជាមួយសមាជិកជាប់ឈ្មោះទាំង ១០របស់ក្រុមប្រឹក្សាសន្តិសុខ UN ។

 សេចក្តីសម្រេចនេះ ត្រូវការសំឡេងគាំទ្រយ៉ាងហោច ៩ ហើយនិងគ្មានការបោះឆ្នោតដោយរុស្ស៊ី ចិន សហរដ្ឋអាមេរិក អង់គ្លេស ឬបារាំង ដើម្បីអនុម័តវា ។

 អត្ថបទ ២ទំព័រត្រូវបានមើលឃើញដោយទីភ្នាក់ងាររ៉យទ័រ នឹងអនុញ្ញាតឲ្យក្រុមប្រឹក្សាភិបាលសន្តិភាពដែលជារដ្ឋបាលគ្រប់គ្រងអន្តរកាល បង្កើតកងកម្លាំងស្ថិរភាពអន្តរជាតិបណ្តោះអាសន្ននៅតំបន់ហ្កាហ្សា ដែលអាចប្រើប្រាស់វិធានការចាំបាច់ទាំងអស់ ក្នុងការអនុវត្តអាណត្តិរបស់ពួកគេ ៕