អង្គការសហប្រជាជាតិបាននិយាយថា ទោះបីជាមានវឌ្ឍនភាពមួយចំនួនក្នុងការដឹកជញ្ជូនស្បៀងអាហារទៅដល់ប្រជាជនប៉ាឡេស្ទីននៅតំបន់ហ្កាហ្សាស្ទ្រីបដែលត្រូវបានហ៊ុមព័ទ្ធក៏ដោយ ក៏តំបន់ហ៊ុមព័ទ្ធដែលរងការបំផ្លិចបំផ្លាញដោយការទម្លាក់គ្រាប់បែករបស់អ៊ីស្រាអែល និងត្រូវបានញាំញីដោយភាពអត់ឃ្លាន នៅតែត្រូវការជំនួយមនុស្សធម៌បន្ទាន់។

អ្នកនាំពាក្យអង្គការសហប្រជាជាតិ លោក Farhan Haq បានប្រាប់អ្នកសារព័ត៌មានកាលពីថ្ងៃសុក្រថា អង្គការសហប្រជាជាតិ និងដៃគូរបស់ខ្លួន អាចនាំយកជំនួយចំនួន ៣៧.០០០ តោន ភាគច្រើនជាស្បៀងអាហារទៅកាន់តំបន់ហ្កាហ្សា ចាប់តាំងពីបទឈប់បាញ់កាលពីថ្ងៃទី១០ខែតុលា ប៉ុន្តែត្រូវការច្រើនបន្ថែមទៀត។

លោក Haq បាននិយាយដោយដកស្រង់របាយការណ៍ពីការិយាល័យសេវាមនុស្សធម៌របស់អង្គការសហប្រជាជាតិ OCHA ថា «ទោះបីជាមានការវឌ្ឍនភាពគួរឱ្យកត់សម្គាល់លើការបង្កើនទំហំជំនួយមនុស្សធម៌ក៏ដោយ តម្រូវការបន្ទាន់របស់ប្រជាជននៅតែមានភាពធំធេង ដោយការរាំងមិនទាន់ត្រូវបានដកចេញឱ្យបានឆាប់គ្រប់គ្រាន់ ចាប់តាំងពីបទឈប់បាញ់មក» ។

លោក Haq បានរិះគន់ថា ការចូលនៃការផ្គត់ផ្គង់ជំនួយមនុស្សធម៌ទៅកាន់តំបន់ហ្កាហ្សានៅតែបន្តត្រូវបានកំណត់ត្រឹមតែច្រកឆ្លងកាត់ចំនួនពីរប៉ុណ្ណោះ។