បេសកជនម្នាក់ បាននិយាយកាលពីថ្ងៃសុក្រថា ប្រទេសអារ៉ាប់រួម កំពុងរៀបចំបង្កើនការដឹកជញ្ជូនជំនួយទៅកាន់តំបន់ហ្កាហ្សា ដោយបញ្ជាក់ថា ច្រករបៀងសមុទ្រពីប្រទេសកោះស៊ីប គឺមានសារៈសំខាន់រួមជាមួយនឹងការចូលតាមផ្លូវគោក និងផ្លូវអាកាស។

រដ្ឋមន្ត្រីការបរទេសលោក Lana Nusseibeh បាននិយាយថា ផ្លូវសមុទ្រដែលបញ្ជូនជំនួយដែលបានត្រួតពិនិត្យជាមុនពីកោះមេឌីទែរ៉ាណេខាងកើត គឺជាផ្លូវដ៏សំខាន់សម្រាប់ប្រជាជននៅតំបន់ហ្កាហ្សា។ អារ៉ាប់រួមបានសហការជាមួយប្រទេសកោះស៊ីប ក្នុងការផ្គត់ផ្គង់ជំនួយយ៉ាងច្រើនដល់ដែនដីប៉ាឡេស្ទីន ដែលត្រូវបានបំផ្លាញដោយសង្គ្រាមរយៈពេល ពីរឆ្នាំ។ លោកស្រី Nusseibeh បាននិយាយបន្ទាប់ពីការត្រួតពិនិត្យជំនួយដែលប្រមូលបាននៅកំពង់ផែ Limassol ក្នុងប្រទេសកោះស៊ីបថា៖«ការរក្សាចំណុចចូលជាច្រើនចូលទៅក្នុងតំបន់ហ្កាហ្សា នៅតែមានសារៈសំខាន់យ៉ាងខ្លាំង»។

លោកស្រី បានប្រាប់អ្នកយកព័ត៌មានថា៖«នៅពេលដែលផែនការនេះ រីកចម្រើន ការចូលទៅកាន់តំបន់ហ្កាហ្សាតាមផ្លូវគោក ផ្លូវអាកាស និងផ្លូវសមុទ្រ នឹងនៅតែសំខាន់»។

អ៊ីស្រាអែល និងក្រុមសកម្មប្រយុទ្ធប៉ាឡេស្ទីនហាម៉ាស បានយល់ព្រមកាលពីមួយខែមុនចំពោះដំណាក់កាលដំបូងនៃផែនការដែលបង្ហាញដោយប្រធានាធិបតីអាមេរិក លោក ដូណាល់ ត្រាំ។ ប្រទេសនេះ បានផ្អាកសង្គ្រាមដ៏សាហាវរយៈពេលពីរឆ្នាំ នៅហ្កាហ្សាដែលបង្កឡើងដោយការវាយប្រហារឆ្លងកាត់ព្រំដែនដោយក្រុមសកម្មប្រយុទ្ធហាម៉ាស នៅថ្ងៃទី ០៧ ខែតុលា ឆ្នាំ ២០២៣ និងបានធានាកិច្ចព្រមព្រៀងមួយដើម្បីដោះលែងចំណាប់ថ្នូរអ៊ីស្រាអែល និងអ្នកទោសប៉ាឡេស្ទីន៕