តាកែវ៖ រដ្ឋបាលខេត្តតាកែវ នៅព្រឹកថ្ងៃអាទិត្យទី៩ ខែវិច្ឆិការ ឆ្នាំ ២០២៥នេះ បានរៀបចំប្រារពខួបអនុស្សាវរីយ៍លើកទី៧២នៃទិវាបុណ្យឯករាជ្យជាតិ ៩ វិច្ឆិកា ២០២៥នេះ បានរៀបចំប្រារពខួបអនុស្សាវរីយ៍លើកទី៧២ នៃទិវាបុណ្យឯករាជ្យជាតិ ដោយ​មានការ​ចូលរួម​ពីមន្ត្រីរាជការ ​កងកំលាងប្រដាប់អាវុធ​ សិស្សានុសិស្ស​ រួមនឹងព្រះសង្ឃនិងបងប្អូនប្រជាពលរដ្ឋ យ៉ាងច្រើនកុះកករ។

នៅក្នុងឱកាសនោះឯកឧត្តម វ៉ី សំណាង អភិបាលខេត្តតាកែវ ពិធីបុណ្យ​ឯករាជ្យជាតិ ​ ខែ៩វិច្ឆិកា ត្រូវបានប្រារព្ធធ្វើឡើងជារៀងរាល់ឆ្នាំ ​ហើយជាថ្ងៃបុណ្យឯករាជ្យជាតិ ៩វិច្ឆិកា គឺជាថ្ងៃមួយ​ដែល​បងប្អូន​ប្រជាពលរដ្ឋខ្មែរទូទៅចង់ចាំមិនភ្លេចទេនូវ​ ព្រះរាជបូជនីយកិច្ច និងស្នាព្រះហស្ថ របស់ព្រះករុណាមហាវីរក្សត្រព្រះបាទ ​សម្ដេចព្រះនរោត្ដមសីហនុ ព្រះវរាជបីតា ឯករាជ្យ បូរណភាពដែនដី និង ឯកភាពជាតិខ្មែរ ព្រះបរមរតនកោដ្ឋ ដែលបានទាមទារឯករាជ្យ​ពី​អាណានិគមបារាំង​ក្នុងឆ្នាំ១៩៥៣ ។

ឯកឧត្តមអភិបាលខេត្តតាកែវ បានមួយប្រសាសន៍បន្តថា ប្រទេសមួយមានរីកចម្រើន មាន​សិទ្ធិ​សេរីភាព​គ្រប់បែបយ៉ាង មាន​សុខ​សន្តិភាព វាជា​មោទនភាពមួយចំពោះពលរដ្ឋ​កម្ពុជា​ទូទាំង​ប្រទេសហើយយើងប្ដេជ្ញាចិត្ត​ រួមគ្នាថែរក្សានូវអ្វីដែលមានស្រាប់កុំអោយ​បាត់បង់ ជា​ពិសេសរក្សា​នូវសមិទ្ធផលជាច្រើនដែលមាន​ និងកំពុងបន្តបង្កើតថ្មីៗ​បន្ថែមទៀត​ ក្រោមដំបូលនៃសុខសន្តិភាព ៕