នៅក្នុងខែតុលា កងកម្លាំងអ៊ីស្រាអែល បានចាប់ខ្លួនជនជាតិប៉ាឡេស្ទីនចំនួន ៤៤២នាក់ នៅទូទាំងតំបន់ វេសបែង (West Bank) រួមទាំងទីក្រុងហ្ស៊េរុយសាឡឹមផងដែរ។ នេះបើយោងតាមអង្គការអ្នកទោសប៉ាឡេស្ទីន។

ការចាប់ខ្លួនភាគច្រើន បានកើតឡើង នៅក្នុងខេត្ត Bethlehem ភាគខាងត្បូងនៃតំបន់វេសបែង ក្នុងនោះមានស្ត្រីបីនាក់ និងកុមារចំនួន ៣៣នាក់។

គណៈកម្មការកិច្ចការអ្នកជាប់ឃុំ និងអតីតអ្នកជាប់ឃុំ សមាគមអ្នកទោសប៉ាឡេស្ទីន និងសមាគមគាំទ្រអ្នកទោស Addameer និងសិទ្ធិមនុស្ស បានរាយការណ៍ថា ការសួរចម្លើយយ៉ាងទូលំទូលាយ នៅក្នុងតំបន់ផ្សេងៗនៃតំបន់វេសបែង បានអមដោយការវាយឆ្មក់ និងការចាប់ខ្លួនរបស់អ៊ីស្រាអែល។

អង្គការទាំងនេះ បានរាយការណ៍កាលពីសប្តាហ៍មុនថា អ្នកទោស និងអ្នកជាប់ឃុំជាង ៩.២៥០នាក់ កំពុងស្ថិតនៅក្នុងពន្ធនាគាររបស់អ៊ីស្រាអែល ដែលភាគច្រើនត្រូវបានឃុំខ្លួនដោយគ្មានការចោទប្រកាន់ ឬការកាត់ក្តី ក្រោមការឃុំខ្លួនផ្នែករដ្ឋបាល ឬរង់ចាំការស៊ើបអង្កេត។

តួលេខនេះ មិនរាប់បញ្ចូលអ្នកជាប់ឃុំដែលត្រូវបានចាប់ខ្លួនពីតំបន់ហ្កាហ្សាស្ទ្រីប និងឃុំខ្លួននៅក្នុងជំរំឃុំឃាំង រួមទាំងទីតាំង Sde Teiman ដែលល្បីថា មិនល្អ។

ការដោះដូរអ្នកទោសប៉ាឡេស្ទីនសម្រាប់ចំណាប់ថ្នូរ និងសាកសពរបស់អ៊ីស្រាអែល គឺជាលក្ខខណ្ឌចម្បងមួយសម្រាប់បទឈប់បាញ់រវាងអ៊ីស្រាអែល និងក្រុមហាម៉ាស នៅក្នុងខែតុលា។ ឥស្សរជននយោបាយ និងយោធាប៉ាឡេស្ទីនល្បីៗ បានជាប់ពន្ធនាគារអ៊ីស្រាអែល ចាប់តាំងពីឆ្នាំ ១៩៦៧ រួមទាំងអតីតសកម្មជនហាម៉ាស លោក Yahya Sinwar និងអនុប្រធានាធិបតីប៉ាឡេស្ទីន លោក Hussein Al-Sheikh ផងដែរ៕