អ្នកនាំពាក្យរដ្ឋាភិបាល លោកស្រី Shosh Bedrosian បានថ្លែងប្រាប់សន្និសីទសារព័ត៌មានមួយថា អ៊ីស្រាអែលជំទាស់នឹងការចូលរួមរបស់យោធាទួរគី នៅក្នុងកម្លាំងរក្សាស្ថិរភាពអន្តរជាតិ នៅតំបន់ហ្កាហ្សា នាពេលអនាគត។

លោកស្រី បាននិយាយថា៖«យោធាទួរគី មិនមានវត្តមាននៅក្នុងកម្លាំងរក្សាស្ថិរភាពអន្តរជាតិ [នៅក្នុងទឹកដីប៉ាឡេស្ទីន] កាលពីអតីតកាល និងនាពេលអនាគតទេ។

នៅថ្ងៃទី ២៩ ខែកញ្ញា សេតវិមាន បានចេញផ្សាយផែនការដ៏ទូលំទូលាយរបស់ប្រធានាធិបតីអាមេរិក ដូណាល់ ត្រាំ (Donald Trump) ដើម្បីដោះស្រាយស្ថានការណ៍នៅតំបន់ហ្កាហ្សា។ ក្នុងចំណោមវិធានការផ្សេងទៀត ឯកសារមានចំនួន ២០ ចំណុចនេះ រួមមានការបង្កើតរដ្ឋបាលស្ម័គ្រចិត្តបណ្តោះអាសន្ន នៅក្នុងដែនដីប៉ាឡេស្ទីន និងការដាក់ពង្រាយកម្លាំងរក្សាស្ថិរភាពអន្តរជាតិ នៅទីនោះ។ នៅថ្ងៃទី ០៩ ខែតុលា         អ៊ីស្រាអែល និងក្រុមហាម៉ាស បានព្រមព្រៀងគ្នាលើការអនុវត្តដំណាក់កាលដំបូងនៃផែនការសន្តិភាពរបស់លោក ត្រាំ ហើយកិច្ចព្រមព្រៀងឈប់បាញ់ បានចូលជាធរមាន នៅថ្ងៃទី ១០ ខែតុលា៕