ក្រុមប្រដាប់អាវុធរបស់ក្រុមនេះ បាននិយាយកាលពីថ្ងៃអាទិត្យថា ក្រុមយុទ្ធជនហាម៉ាសដែលលាក់ខ្លួននៅក្នុងតំបន់ Rafah ដែលកាន់កាប់ដោយអ៊ីស្រាអែលនៃតំបន់ហ្កាហ្សា នឹងមិនចុះចាញ់អ៊ីស្រាអែលទេ ដោយជំរុញឲ្យអ្នកសម្របសម្រួលស្វែងរកដំណោះស្រាយចំពោះវិបត្តិដែលគំរាមកំហែងដល់បទឈប់បាញ់រយៈពេលមួយខែ។ ប្រភពដែលជិតស្និទ្ធនឹងកិច្ចខិតខំប្រឹងប្រែងសម្របសម្រួល បានប្រាប់សារព័ត៌មានរ៉យទ័រកាលពីថ្ងៃព្រហស្បតិ៍ថា ក្រុមយុទ្ធជន អាចប្រគល់អាវុធរបស់ពួកគេ ជាថ្នូរនឹងការឆ្លងកាត់ទៅកាន់តំបន់ផ្សេងទៀតនៃដែនដីនេះ ក្រោមសំណើមួយដែលមានគោលបំណងដោះស្រាយភាពជាប់គាំងនេះ។ 

ប្រភពមួយ ដែលជាមន្ត្រីសន្តិសុខអេហ្ស៊ីប បាននិយាយថា ជាថ្នូរនឹងការធ្វើដំណើរដោយសុវត្ថិភាព អ្នកសម្របសម្រួលអេហ្ស៊ីប បានស្នើថា ក្រុមយុទ្ធជនដែលនៅតែស្ថិតនៅក្នុងតំបន់ Rafah ត្រូវប្រគល់របស់ពួកគេទៅអេហ្ស៊ីប និងផ្តល់ព័ត៌មានលម្អិតអំពីផ្លូវរូងក្រោមដី នៅទីនោះ ដើម្បីឲ្យពួកគេ អាចត្រូវបានបំផ្លាញ។  

សេចក្តីថ្លែងការណ៍កាលពីថ្ងៃអាទិត្យពីកងពលតូច Al-Qassam បានឲ្យអ៊ីស្រាអែល ទទួលខុសត្រូវចំពោះការចូលរួមជាមួយក្រុមយុទ្ធជន ដែលខ្លួនបាននិយាយថា កំពុងការពារខ្លួន។

ក្រុមនេះ បាននិយាយថា៖«សត្រូវត្រូវតែដឹងថា គោលគំនិតនៃការចុះចាញ់ និងការប្រគល់ខ្លួន មិនមាននៅក្នុងវចនានុក្រមរបស់កងពលតូច Al-Qassam ទេ»៕