ប្រធានសិទ្ធិមនុស្សរបស់អង្គការសហប្រជាជាតិបានប្រាប់សារព័ត៌មាន AFP កាលពីថ្ងៃចន្ទ ថា ពិភពលោកត្រូវតែមានចំណាត់ការជាបន្ទាន់ដើម្បីបញ្ឈប់«អំពើដ៏ឃោរឃៅ»នៅក្នុងទីក្រុង El-Fasher ប្រទេសស៊ូដង់ ដោយជំរុញឱ្យប្រទេសនានាកុំរង់ចាំរហូតដល់ «អំពើប្រល័យពូជសាសន៍» ត្រូវបានប្រកាស។

កងកម្លាំងគាំទ្ររហ័សយោធាប៉ារ៉ា(RSF) ដែលបានធ្វើសង្រ្គាមជាមួយកងទ័ពជាតិចាប់តាំងពីខែមេសា ឆ្នាំ២០២៣ បានដណ្តើមកាន់កាប់បន្ទាយយោធាចុងក្រោយនៅភាគខាងលិចទីក្រុង Darfur កាលពីថ្ងៃទី២៦ ខែតុលា។

ចាប់តាំងពីការដណ្តើមបានទីក្រុង El-Fasher ក្រោយការហ៊ុមព័ទ្ធរយៈពេល១៨ខែ អង្គការសហប្រជាជាតិ និងអង្គការឃ្លាំមើលសិទ្ធិមនុស្ស បានរាយការណ៍ពីអំពើឃោរឃៅរាលដាល រួមទាំងការសម្លាប់ និងការចាប់ពង្រត់ជំរុញដោយជនជាតិភាគតិច។

ស្នងការទទួលបន្ទុកសិទ្ធិមនុស្សអង្គការសហប្រជាជាតិរបស់ លោក Volker Turk បានប្រាប់សារព័ត៌មាន AFP ក្នុងបទសម្ភាសន៍មួយថា «វាច្បាស់ណាស់ថា ឧក្រិដ្ឋកម្មដ៏ឃោរឃៅកំពុងត្រូវបានប្រព្រឹត្ត ដូចដែលយើងបាននិយាយ»។

មនុស្សជាច្រើនស្ថិតនៅក្រោមការហ៊ុមព័ទ្ធ ក្រោមលក្ខខណ្ឌដ៏គួរឱ្យភ័យខ្លាច គ្មានអាហារ គ្មានទឹក ដែលយើងមានរបាយការណ៍អំពីប្រជាជនត្រូវទទួលទានចំណីសត្វ ឧទាហរណ៍ដូចជា ទទួលទានសំបកសណ្ដែកដីជាដើម»។ ដោយចង្អុលទៅរកការប្រកាសអំពីទុរ្ភិក្សនៅតំបន់មួយចំនួន លោកបាននិយាយថា វាជាការ «អស់សង្ឃឹមខ្លាំង ដែលកុមារកំពុងស្លាប់ដោយសារតែភាពអត់ឃ្លាន»។