នគរបាលប្រទេសប៉េរូ រឹបអូសបានព្រុយត្រីឆ្លាមជាង៦តោននៅក្នុងទីក្រុងកំពង់ផែ Callao កាលពីថ្ងៃច័ន្ទ ទី១០ ខែវិច្ឆិកា ដោយបានរកឃើញការដឹកជញ្ចូនដោយខុសច្បាប់ទៅកាន់តំបន់អាស៊ី ដែលអាជ្ញាធរនិយាយថា បង្ហាញពីការមិនព្រមលះបង់នៃការអនុវត្តដែលត្រូវបានហាមឃាត់។

ព្រុយត្រី ត្រូវបានរក្សាទុកក្នុងឃ្លាំងមួយកន្លែងហើយសម្ងួតសម្រាប់ការនាំចេញ។

ក្រុមមន្ត្រីបានប៉ាន់ប្រមាណពីតម្លៃទំនិញជាង៨លានដុល្លារនៅក្នុងទីផ្សារអាស៊ី ជាកន្លែងដែលព្រុយត្រីឆ្លាមត្រូវបានប្រើប្រាស់សម្រាប់ធ្វើស៊ុប និងអាហារឆ្ងាញ់ៗផ្សេងៗទៀត។

មនុស្ស៣នាក់ត្រូវបានចាប់ខ្លួន ហើយរដ្ឋអាជ្ញាបានបើកការស៊ើបអង្កេតលើករណីនេះ។