ប្រភពមួយរបស់សហភាពអឺរ៉ុប(EU ) បានប្រាប់អ្នកយកព័ត៌មានថា រដ្ឋមន្ត្រីក្រសួងហិរញ្ញវត្ថុ EU នឹងពិនិត្យសំណើរបស់គណៈកម្មការអឺរ៉ុបស្តីពីការរឹបអូសទ្រព្យសម្បត្តិរបស់រុស្ស៊ី ក្រោមគម្រោង «ប្រាក់កម្ចីសំណង» នៅក្នុងកិច្ចប្រជុំដែលបានកំណត់ពេលនៅទីក្រុងប្រ៊ុចសែល នៅថ្ងៃទី ១៣ ខែវិច្ឆិកា ប៉ុន្តែគ្មានការសម្រេចចិត្តជាក់ស្តែងណាមួយ នឹងត្រូវបានធ្វើឡើង នៅទីនោះទេ»។ 

ប្រភពនេះ បាននិយាយថា៖«សំណើរបស់គណៈកម្មការអឺរ៉ុបស្តីពីការផ្តល់មូលនិធិសម្រាប់អ៊ុយក្រែនក្នុងក្របខ័ណ្ឌ «ប្រាក់កម្ចីសំណង» នឹងត្រូវបានពិភាក្សា នៅក្នុងកិច្ចប្រជុំក្រុមប្រឹក្សាសេដ្ឋកិច្ច និងហិរញ្ញវត្ថុ (Ecofin) នាពេលខាងមុខ»។ លោកបានបន្ថែមថា៖««គ្មានការសម្រេចចិត្តជាក់ស្តែងណាមួយ នឹងត្រូវបានធ្វើឡើងទេ ការពិភាក្សានេះ គឺជាបឋមនៅក្នុងលក្ខណៈរបស់វា នៅក្នុងក្របខ័ណ្ឌនៃការរៀបចំការសម្រេចចិត្តនៃកិច្ចប្រជុំកំពូលរបស់សហភាពអឺរ៉ុប នៅក្នុងខែធ្នូ។

ប្រភពដដែល បានបន្តថា គណៈកម្មការអឺរ៉ុបនៅពេលនេះ មានឱកាសពិតប្រាកដ «តែពីរប៉ុណ្ណោះ» ដើម្បីផ្តល់ហិរញ្ញប្បទានដល់ទីក្រុងគីវ ក្នុងកម្រិតប្រហែល ១៤០ ពាន់លានអឺរ៉ូ ក្នុងឆ្នាំ ២០២៦-២០២៧។ ទាំងនេះ គឺជាការរឹបអូសទ្រព្យសម្បត្តិរបស់រុស្ស៊ី ដែលត្រូវបានរារាំង ឬការរៃអង្គាសប្រាក់ទាំងនេះ នៅលើទីផ្សារហិរញ្ញវត្ថុ ក្នុងទម្រង់ជាប្រាក់កម្ចីអឺរ៉ុប ជាមួយនឹងការប្រាក់ដែលត្រូវបង់ដោយបណ្តាប្រទេសសហភាពអឺរ៉ុប៕