អត្តពលិករាប់សិបនាក់បានចូលរួមជាមួយក្រុមសិទ្ធិមនុស្សក្នុងការអំពាវនាវឱ្យសមាគមបាល់ទាត់សហភាពអឺរ៉ុប (UEFA) ផ្អាកការចូលរួមរបស់អ៊ីស្រាអែលដោយសារតែការរំលោភសិទ្ធិមនុស្សប្រឆាំងនឹងប្រជាជនប៉ាឡេស្ទីន នៅដែនដីហ្កាហ្សា។

នៅក្នុងលិខិតមួយផ្ញើទៅកាន់ប្រធានសមាគមបាល់ទាត់សហភាពអឺរ៉ុប UEFA លោក Aleksander Ceferin កាលពីថ្ងៃអង្គារ ក្រុមអត្តពលិកដើម្បីសន្តិភាព ជាក្រុមមួយដែលរួមមានអ្នកជំនាញកីឡាជាង ៧០ នាក់ បានគាំទ្រការអំពាវនាវឱ្យស្ថាប័នគ្រប់គ្រងមួយនេះ ផ្តាច់ទំនាក់ទំនងជាមួយសមាគមបាល់ទាត់អ៊ីស្រាអែល (IFA)។

លិខិតដែលសរសេរដោយក្រុម Game Over Israel បានអានថា "គ្មានទីកន្លែង ឆាក ឬសង្វៀនរួមគ្នានៅក្នុងសង្គមស៊ីវិលអន្តរជាតិ គួរស្វាគមន៍របបដែលប្រព្រឹត្តអំពើប្រល័យពូជសាសន៍ ការរើសអើងជាតិសាសន៍ និងឧក្រិដ្ឋកម្មប្រឆាំងនឹងមនុស្សជាតិផ្សេងទៀតទេ"។ 

និទណ្ឌភាពជាបន្តបន្ទាប់របស់អ៊ីស្រាអែលចំពោះឧក្រិដ្ឋកម្មបែបនេះនឹងត្រូវបានបញ្ចប់ដោយទម្ងន់នៃសកម្មភាពសតិសម្បជញ្ញៈរួម រួមទាំងវិធានការនានាដើម្បីរារាំងការចូលរបស់ពួកគេទៅកាន់ព្រឹត្តិការណ៍កីឡា ឬវប្បធម៌ និងសកម្មភាពនានា។

អត្តពលិកដែលបានគាំទ្រការអំពាវនាវនេះរួមមានកីឡាករ Paul Pogba អ្នកឈ្នះពានរង្វាន់បាល់ទាត់ពិភពលោករបស់បារាំង ខ្សែប្រយុទ្ធហូឡង់លោក Anwar El Ghazi កីឡាករបាល់ទាត់ម៉ារ៉ុក លោក Hakim Ziyech និងខ្សែបម្រើស្លាប អេស្ប៉ាញកីឡាករ Adama Traore៕